இதுகுறித்து, விமான நிலைய இயக்குனர் சுரேஷ் கூறியதாவது: ‘’விரிவுபடுத்தப்பட்ட விமான புதிய முனையத்தை துணை ஜனாதிபதி அமீத் அன்சாரி, 31ம் தேதி பகல் 3 மணிக்கு திறந்துவைக்கிறார். புதிதாக அமைக்கப்பட்டுள்ள புதிய உள்நாட்டு முனையத்தில் விழா நடக்கிறது. விழா சுமார் ஒரு மணி நேரம் நடக்கும். துணை ஜனாதிபதியால் திறந்துவைக்கப்படும் இந்த விழாவில் தமிழக முதல்வர் ஜெயலலிதா, மத்திய சிவில் விமான போக்குவரத்துத்துறை அமைச்சர் அஜீத் சிங், விமான நிலைய ஆணைய தலைவர் அகர்வால், சென்னை மாநகர மேயர் சைதை துரைசாமி, டி.ஆர்.பாலு எம்.பி. தன்சிங் எம்எல்ஏ, உட்பட பலர் கலந்து கொள்கொள்கின்றனர்.
இவ்வாறு அவர் கூறினார். இந்த புதிய விமான முனையங்கள் திறப்பு விழா நடத்தினாலும், முழுமையான பயன்பாட்டுக்கு கொண்டு வர 2 மாதத்திற்கும் மேல் ஆகும். ஏனென்றால், புதிய முனையங்களில் ஏர்லைன்ஸ் அலுவலகங்கள், கவுன்டர்கள் ஏற்படுத்தவேண்டும். அதோடு பலத்தரப்பட்ட வணிக நிறுவனங்கள், அலுவலகங்கள், வங்கி ஏடிஎம்களுக்கு இடமாற்றம் செய்ய கால அவகாசம் தேவை. அவைகளை புதிய முனையங்களில் அமைத்தபின் முழுமையாக ஏப்ரல் மாதத்தில் இருந்து செயல்படும் என்று தெரிகிறது.
0 கருத்துகள்:
கருத்துரையிடுக