பள்ளி மாணவர்களுக்கு தமிழக அரசின் வழங்கும் உதவித் தொகை!!

தமிழகத்தில் பள்ளியில் படிக்கும் பிற்படுத்தப்பட்ட, மிகவும் பிற்படுத்தப்பட்ட மாணவ, மாணவிகளுக்கு மாதந்தோறும் உதவித் தொகை அளிக்கும் திட்டத்தை தமிழக முதலமைச்சர் ஜெயலலிதா அறிவித்துள்ளார்.

இதன்படி, தமிழகத்தில் உள்ள அரசு பள்ளிகளில் 1 முதல் 5ம் வகுப்பு வரை பயிலும் மாணவ, மாணவிகளுக்கு மாதந்தோறும் ரூ.25ம், 6 முதல் 8ம் வகுப்பு வரை பயிலும் மாணவர்களுக்கு ரூ.40ம், 9 முதல் 10ம் வகுப்பு வரை பயிலும் மாணவர்களுக்கு ரூ.50ம் உதவித் தொகையாக வழங்கப்படும்.

விடுதியில் தங்கி பயிலும் 3 முதல் 8ம் வகுப்பு வரையிலான மாணவர்களுக்கு ரூ.200ம், 9, 10ம் வகுப்பு பயிலும் மாணவர்களுக்கு ரூ.250ம் தமிழக அரசு சார்பில் உதவித் தொகையாக வழங்கப்படும்.

விடுதி மாணவர்களுக்கு தனி மானியமாக ஆண்டுக்கு ரூ.500 வழங்கப்படும் என்றும் முதலமைச்சர் ஜெயலலிதா அறிவித்துள்ளார்.