டெல்லியில் சமீபத்தில் காங்கிரஸ் தலைவர் ஒருவரின் மகன் திருமணம் நடந்தது. இதில் உணவு பொருட்கள் அதிகளவில் வீணானதாக தகவல் வெளியாது. இதற்கு கண்டனம் தெரிவித்த முதல்வர் ஷீலா தீட்சித், திருமணங்கள் மிகவும் எளிமையாக நடத்த வேண்டும் என்று கட்சியினரை கேட்டு கொண்டார்.
இப்போது, திருமணம் போன்ற விழாக்களில் உணவு பொருட்கள் வீணாவது சர்வசாதாரணமாகிவிட்டது. இந்த உணவுகளை சேகரித்து, ஏழைகளுக்கு வழங்குவதற்கு டெல்லியில எந்த வழியும் இல்லை. இதையடுத்து, டெல்லியில் உணவு வங்கியை தொடங்க அரசே முடிவு செய்துள்ளது. இப்போது, அரசு சார்பில், ‘ஆப் கி ரசோல்’ என்ற பெயரில் ஏழைகளுக்கும் வீடில்லாதவர்களுக்கும் உணவு வழங்கப்படுகிறது. இதற்கு பல்வேறு தொழில் நிறுவனங்களும், பொதுதுறை நிறுவனங்களும் உதவி செய்கின்றன. 13 இடங்களில் இந்த திட்டம் செயல்படுத்தப்பட்டு வருகிறது.
இந்த நிலையில், உணவு வங்கி தொடங்குவது பற்றி அரசின் மூத்த அதிகாரி கூறுகையில்,‘உணவு வங்கி தொடங்குவது பற்றி முதல்வர் தீவிரமாக ஆலோசித்து வருகிறது., தொண்டு நிறுவனம் சார்பிலேயே இந்த உணவு வங்கிகள் செயல்படுத்தப்படும். இந்த வங்கிகளுக்கு மக்கள் தாங்களாகவே முன்வந்து உணவுபொருட்கள், சமைத்த உணவுகளை வழங்கலாம். வீணாகும் உணவுகளை ஏழைகளுக்கு வழங்குவது இறைவனுக்கு செய்யும் தொண்டாக கருதி, இந்த வங்கிக்கு மக்கள் ஆதரவு தர வேண்டும். விரைவில் உணவு வங்கி தொடங்கப்படும்’ என்றார்.
0 கருத்துகள்:
கருத்துரையிடுக