இந்திய வரலாற்றில் மிகப் பெரிய பணக்காரர் ஐதராபாத்தின் கடைசி நிஜாம்

லண்டன் : இந்திய வரலாற்றிலேயே மிகப் பெரிய பணக்காரர் என்றால், யாருடைய பெயர் உங்களுக்கு நினைவுக்கு வருகிறது? எல்லோரும் நினைப்பதுபோல் டாடா, பிர்லா, அம்பானிகளை நீங்கள் நினைத்தால் அது தவறு. இந்தியாவின் முதல் பெரும் கோடீஸ்வரர், ஐதராபாத்தின் கடைசி நிஜாமான உஸ்மான் அலி கான்தான் அவர். உலக அளவில் விலைவாசி அடிப்படையில் கோடீஸ்வரர்கள் பட்டியலை, செலிபிரிட்டி நெட் வொர்த் என்ற இணையதளம் தயாரித்துள்ளது.

அந்த காலத்தில், அதாவது 1913ம் ஆண்டில் ரூ.530 கோடி சொத்து வைத்திருந்தால், அது தற்போது ரூ.12 லட்சத்து815 கோடியாக கருதப்படும்.  இதன் அடிப்படையில் 25 உலக கோடீஸ்வரர்கள் பட்டியலை தயாரிக்க இந்த இணையதளம் திட்டமிட்டது. ஆனால், அதில் 24 பேர் மட்டுமே இடம்பெற்றதாக அது தெரிவித்துள்ளது.

இப்பட்டியலின்படி, இந்திய வரலாற்றில் மிகப் பெரிய பணக்காரர் உஸ்மான் அலி கான். இவர் 1886 முதல் 1967ம் ஆண்டு வரையில் ஐதராபாத்தை ஆண்டுள்ளார். அவர் 1967ல் காலமானார். அவரது சொத்து மதிப்பு ரூ.12 லட்சத்து 50 ஆயிரத்து 800 கோடி. உலக அளவில் அவர் 6வது இடத்தை பிடித்துள்ளார். ஆப்ரிக்காவின் 14ம் நூற்றாண்டு அரசரான முதலாம் மான்சா மூசாதான், வரலாற்றிலேயே முதல் பெரும் கோடீஸ்வரர். அவரது சொத்து மதிப்பு ரூ.21 லட்சத்து 20 ஆயிரம் கோடி. இரண்டாவது இடத்தை பிடித்திருப்பவர் ரோத்ஸ்சைல்டு குடும்பம். இவர்களின் வாரிசுகள் இன்னமும் கூட உலக கோடீஸ்வரர்கள் பட்டியலில் இடம்பெற்றுள்ளனர். 

18ம் நூற்றாண்டில் மேயர் ஆம்ஸ்செல் ரோத்ஸ்சைல்டு வங்கி நிதி நிறுவனத்தை ஆரம்பித்தார். அவரது சொத்து மதிப்பு ரூ.18 லட்சத்து 55 ஆயிரம் கோடி. பட்டியலில் 3வது இடத்தில் இருப்பவர், அமெரிக்காவின் ஜான் டி ராக்பெல்லர். 1937ம் ஆண்டில் இருந்த அவரது சொத்தின் தற்போதைய மதிப்பு ரூ.18 லட்சத்து 2 ஆயிரம் கோடி. அமெரிக்க வரலாற்றின் முதல் பெரும் கோடீஸ்வரர் இவர். ஆயிரம் ஆண்டுகள் அடிப்படையில் கோடீஸ்வரர்கள் பட்டியல் தயாரிக்கப்பட்டபோதும், சிலரது சொத்து விவரங்கள் வரலாற்று அளவில் ஆராயப்பட்டுள்ளன. ஆனால், இந்த பட்டியல் முழுவதிலுமே பெண்கள் ஒருவர் கூட இடம்பெறவில்லை.

பொது இடத்தில் புகை பிடிப்பவர்களுக்கு அபராதம் விதிக்கப்படும்.

கடலூர் மாவட்ட கலெக்டர் ராஜேந்திரரத்னூ தலைமையில் சிகரெட் மற்றும் இதர புகையிலை பொருட்கள் தடை சட்டம் குறித்த மாவட்ட ஒருங்கிணைப்புக்குழு கூட்டம் கடலூரில் நேற்று நடைபெற்றது.

கூட்டத்துக்கு கலெக்டர் ராஜேந்திரரத்னூ தலைமை தாங்கி பேசியதாவது:-

18 வயதிற்கு குறைவான நபர்களுக்கு சிகரெட் விற்பனை செய்வது தடை செய்யப்பட்டுள்ளது. கல்வி நிலையங்கள் உள்ள பகுதியில் 100 மீட்டர் சுற்றளவில் உள்ள கடைகளில் சிகரெட் மற்றும் இதர புகையிலைப் பொருட்கள், பஸ் நிலையங்கள், ஓட்டல்கள் மற்றும் சினிமா தியேட்டர்கள் போன்ற அனைத்து பொது இடங்களிலும் புகைபிடிப்பது தடை செய்யப்பட்டுள்ளது.

சிகரெட் மற்றும் இதர புகையிலை பொருட்களை விளம்பரப்படுத்துவது தடை செய்யப்பட்டுள்ளது. இப்பொருட்கள் பயன்படுத்துவதால் ஏற்படும் உடல்நலக்கேடு குறித்த எச்சரிக்கை குறி மற்றும் வாசகங்கள் அமைக்கப்பட வேண்டும்.

அனைத்து பொது இடங்களிலும் மற்றும் அரசு வளாகங்களிலும் புகை பிடித்தலை தடை செய்யப்பட்ட பகுதி. இங்கு புகை பிடித்தால் குற்றச்செயலாகும் என்ற விவரம் அடங்கிய எச்சரிக்கை பலகைகள் வைக்கப்பட வேண்டும்.

பொது இடங்களில் புகைப்பிடிப்பவர்களுக்கு 200 ரூபாய் அபராதம் விதிக்கப்படும். இச்சட்டத்தை செயல்படுத்தும் அலுவலர்களுக்கு உரிய பாதுகாப்பு வழங்க வேண்டும்.

இவ்வாறு கலெக்டர் ராஜேந்திரரத்னூ கூறினார்.

கடலூர் மாவட்டத்தில் மர்ம காய்ச்சல் நோய் அதிவேகமாக பரவி வருகிறது.

கடலூர் மாவட்டத்தில் மர்ம காய்ச்சல் நோய் அதிவேகமாக பரவி வருகிறது.தமிழகத்தில் டெங்கு காய்ச்சல் பீதி முடிவுக்கு வருவதற்குள் மர்ம காய்ச்சல் நோய் தீவிரமடைந்து வருகிறது.”தானே’ புயல் காரணமாக மரக்கிளைகள் ஒடிந்தும், இலைகள் உதிர்ந்தும் கடலூர் மாவட்டமே குப்பை மேடாகியது.

சென்னை மற்றும் பல்வேறு நகராட்சிகளில் இருந்து வந்த துப்புரவு பணியாளர்கள் ஓரளவுக்கு குப்பைகளை அகற்றினர்.இருப்பினும் இம்மாவட்டத்தில் சுற்றுச்சூழல் பாதிக்கப்பட்டுள்ளது. இதன் விளைவாக கடலூர் மாவட்டத்தில் டெங்கு மற்றும் மர்ம காய்ச்சல் நோய் பரவி வருகிறது. குடும்பத்தில் ஒருவருக்கு காய்ச்சல் வந்து விட்டால் அது மற்றவர்களுக்கும் பரவுகிறது.பண்ருட்டி பகுதியில் 6 பேர் பாதிக்கப்பட்டு மருத்துவமனையில் சிகிச்சை பெற்று வருகின்றனர்.

கடலூர் சேவை இல்ல குழந்தைகள் காப்பகத்தில் மாணவி ஒருவர் இறந்துள்ளார்.டெங்கு காய்ச்சல் ஒருபுறம் மிரட்டிக்கொண்டிருக்கிற வேளையில், அதை விட அதிகமாக மர்ம காய்ச்சல் நோய் பரவி வருகிறது. இக்காய்ச்சலால் பாதிக்கப்பட்டவர்கள் உடலில் எலும்பு பாதிக்கப்பட்டு நடக்கக்கூட முடியாமல் அவதிப்படுகின்றனர்.

கடலூர் தலைமை மருத்துவமனைக்கு வரும் வெளி நோயாளிகளில் 4ல் ஒரு பங்கு மர்ம காய்ச்சல் காரணமாக சிகிச்சை பெற்றுச் செல்கின்றனர். கடந்த ஒரு வாரமாக காய்ச்சலால் அவதிப்பட்ட வழிசோதனை பாளையம் கிராமத்தைச் சேர்ந்த முத்து என்பவர் நேற்று ஆண்களுக்கான மருத்துவ வார்டில் உள் நோயாளியாக அனுமதிக்கப்பட்டுள்ளார்.இது குறித்து சுகாதார துணை இயக்குனர் ஜவகர்லால் கூறுகையில், “காய்ச்சலால் பாதிக்கப்பட்டவர்கள் அவசியமாக மருத்துவமனையில் சேர்ந்து டெங்கு காய்ச்சல் உள்ளதா என சோதனை செய்து கொள்ள வேண்டும்.

பாதிக்கப்பட்டவர்கள் யாரும் பயப்படத்தேவையில்லை. அரசு மருத்துவமனைகளில் சிகிச்சைகளுக்கான அனைத்து ஏற்பாடுகளும் செய்யப்பட்டுள்ளன. சுற்றுப்புறத்தை தூய்மையாக வைத்துக் கொள்ள வேண்டும். வீடுகளில் மொட்டை மாடியிலோ, அல்லது தேங்காய் மட்டையிலோ மழை நீர் தேங்காமல் பார்த்துக் கொள்ள வேண்டும்’ என்றார்.

பயங்கரவாதத்திற்கெதிரான சட்டங்கள் முஸ்லிம்களுக்கெதிராக தவறாகப் பயன்படுத்தப்படுகின்றன!:PUCL செயலாளர்

புது தில்லி : “பயங்கரவாதத்திற்கெதிரான சட்டங்கள் விளிம்பு நிலை மக்களுக்கெதிராகவும், மதச் சிறுபான்மையினருக்கெதிராகவும், குறிப்பாக முஸ்லிம்களுக்கெதிராக தவறாகப் பயன்படுத்தப்படுகின்றன. போலீஸ் அதிகாரிகள் ஒரு குறிப்பிட்ட சமுதாயத்திற்கெதிராக குரோத நோக்கத்துடன் செயல்பட்டுள்ளதற்கு நிறைய ஆதாரங்கள் உள்ளன” என்று PUCL தேசியப் பொதுச் செயலாளர் வி. சுரேஷ் கூறினார்.

“சட்டவிரோத நடவடிக்கைகளைத் தூண்டுதல், பயங்கரவாதத்திற்கெதிரான சட்டங்கள், ஜனநாயகம்” என்ற தலைப்பில் புது தில்லியிலுள்ள இந்திய சட்டக் கல்வி நிறுவனத்தில் நடந்த பேராசிரியர் இக்பால் அன்சாரி நினைவு உரையாற்றும்பொழுது வி. சுரேஷ் இவ்வாறு கூறினார்.

“தடா, பொடா சட்டங்களை விட ஆபத்தானது இப்பொழுது நிலவிலுள்ள திருத்தப்பட்ட சட்டவிரோதச் செயல்கள் தடுப்புச் சட்டம், 1967 (Unlawful Activities Prevention Act, 1967 – UAPA). தடா, பொடா சட்டங்களிலுள்ள ஒருசில தவறாகப் பயன்படுத்தப்படாமல் தடுப்பதற்குரிய பாதுகாப்பு அம்சங்கள் கூட இந்த UAPA சட்டத்தில் இல்லை” என்று மேலும் கூறினார் வி. சுரேஷ்.

மனித உரிமைகள் என்பது ஆடம்பரமோ, சலுகையோ, சொகுசோ அல்ல, அது ஒவ்வொரு இந்தியக் குடிமகனின் அடிப்படை உரிமை என்று குறிப்பிட்ட அவர், “தவறு செய்யும் அதிகாரிகள் மீது வழக்கு நடவடிக்கைகள் எடுக்க சரியான தருணம் இது” என்று கூறினார்.

மீன் எண்ணை பற்றி தெரிந்து கொள்ளுங்கள்

உடல் ஆரோக்கியத்திலேயே மிகவும் சிறந்த உணவுப் பொருள் என்று சொன்னால், அது மீன் எண்ணெய் தான் என்று சுகாதார நிபுணர்கள் கூறுகின்றனர்.

அனைவருக்குமே உடலை ஆரோக்கியமாக வைக்கும் சிறந்த 5 எண்ணெய் பற்றி தெரியும்.

அதிலும் மீன் எண்ணெயில் நிறைய நல்ல கொலஸ்ட்ரால் இருக்கிறது என்றும் அனைவருக்கும் தெரியும். அதிலும் மற்ற எண்ணெய்களை விட, மீன் எண்ணெயை சாப்பிட்டால், உடலில் கெட்ட கொலஸ்ட்ரால் தேங்காமல் இருக்கும்.

ஆனால் நிறைய மக்களுக்கு இந்த எண்ணெய் பற்றிய சரியான உண்மைகள் மற்றும் பலன்களைப் பற்றி தெரியாது. நமது முன்னோர்கள் சொல்வார்கள் என்று தான் இன்றும் சாப்பிடுகிறார்களே தவிர, இதனைப் பற்றி முழுவதும் தெரிந்து சாப்பிடவில்லை.

மீன் எண்ணெய் என்றால் என்ன?

இந்த எண்ணெய் மீனிலிருந்து எடுக்கப்படுகிறது. அதுவும் அதிகமான அளவு கொழுப்புக்கள் உள்ள மீனிலிருந்து மட்டும் தான் எடுக்க முடியும் என்பதில்லை.

இந்த எண்ணெய் பெரியதாக இருக்கும் மீனான திமிங்கலம் போன்றவற்றிலிருந்து எடுக்கப்படும். இத்தகைய மீனை சமைத்து சாப்பிடமாட்டோம். ஆனால் இதில் இருந்து தான் வைட்டமின் மாத்திரைகள் தயாரிக்கப்படுகின்றன.

மீன் எண்ணெய் என்று கூறியதும், எண்ணெயை குடிக்க முடியாது, அதற்கு பதிலாக கடைகளில் மீன் எண்ணெய் மாத்திரைகள் விற்கப்படும். அதிலும் இந்த மாத்திரைகளை சாதாரண மெடிக்கலில் கேட்டாலே கிடைக்கும்.

எதற்கு சாப்பிட வேண்டும்?

இதனை சாப்பிடுவதால், இரத்தத்தில் இருக்கும் கொலஸ்ட்ராலின் அளவை ஸ்கேன் செய்யும். அதிலும் சிலசமயம் இரத்தத்தில் ட்ரைகிளிசரைடு என்னும் கொலஸ்ட்ரால் இருந்தால், அது இதயத்திற்கு பெரும் பாதிப்பை ஏற்படுத்தும். ஆகவே இதை சாப்பிட்டால், இதில் உள்ள ஒமேகா ஃபேட்டி ஆசிட் அந்த ட்ரைகிளிசரைடை குறைத்துவிடும்.

எண்ணெய்களை குடித்தால், குண்டாவார்கள் என்று தான் தெரியும். ஆனால் இந்த எண்ணெயை சமையலில் பயன்படுத்தினால், உடல் அதிக எடை போடாமல் பார்த்துக் கொள்ளும்.

இந்த எண்ணெயை சாப்பிட்டால், மனம் சற்று ரிலாக்ஸ் ஆக இருக்கும். ஏனெனில் இதில் உள்ள EPA என்னும் நோய் எதிர்ப்புப் பொருள், மூளையை நன்கு சுறுசுறுப்போடு, எந்த ஒரு மன அழுத்தமும் ஏற்படாமல் பார்த்துக் கொள்ளும்.

இந்த எண்ணெயில் உள்ள EPA, உடலில் ஏற்படும் மூட்டு வலிகளை சரிசெய்யும். மேலும் பெண்களுக்கு உடலில் கால்சியம் குறைபாட்டால் ஏற்படும் வலிகளை குறைக்கும். பெண்களின் இடுப்பு எலும்புகள் நன்கு வலுவடையும்.

ஆஸ்துமாவால் பாதிக்கப்பட்டவர்கள் இந்த எண்ணெயை சாப்பிட்டால், எந்த ஒரு சுவாசக் கோளாறு பிரச்சனையும் ஏற்படாது.

இந்த எண்ணெயில் ஒமேகா-3 ஃபேட்டி ஆசிட் இருப்பதால், புற்றுநோயை எதிர்த்துப் போராடும் தன்மை கொண்டது.

முக்கியமாக இந்த எண்ணெயை கர்ப்பமாக இருக்கும் பெண்கள் சாப்பிட்டால், வயிற்றில் உள்ள குழந்தைக்கு கண்பார்வை நன்கு தெரிவதோடு, மூளை வளர்ச்சியும் நன்கு இருக்கும்.

மேற்கூறியவாறு உடலுக்கு மட்டும் ஆரோக்கியத்தை தருவதோடு, சருமம் நன்கு மென்மையாக அழகாக பொலிவோடு இருப்பதோடு, கூந்தலும் பட்டுப் போன்று இருக்கும்

கறிவேப்பிலை-புற்று நோய்க்கு நல்ல மருந்து

உணவில் கறிவேப்பிலையை பார்த்தாலே, பலருக்கும் வெறுப்பாக தான் இருக்கும். அதை தூக்கி எறிந்து விட்டுதான் மறுவேலை பார்ப்பார்கள்.

கறிவேப்பிலையின் மருத்துவ குணங்கள் பற்றி இந்தியாவில் உள்ள சாந்திநிகேதன் விஸ்வபாரதி பல்கலைக்கழகம், கொல்கத்தாவில் உள்ள இந்தியன் இன்ஸ்டிடுயூட் ஆப் கெமிகல் பயாலஜி மற்றும் வாஷிங்டனில் உள்ள ஜார்ஜ்டவுன் பல்கலைக்கழகத்தைச் சேர்ந்த ஆய்வாளர்கள் இணைந்து ஆய்வு மேற்கொண்டனர்.

அவர்களின் ஆய்வில் பல்வேறு அதிசயத்தக்க உண்மைகள் கண்டுபிடிக்கப்பட்டன. கறிவேப்பிலையில் கோயினிஜாக், குளுகோசைட், ஒலியோரெசின், ஆஸ்பர்ஜான் சொரின், அஸ்பார்டிக் அமிலம், அயாமைன், புரோலைன் போன்ற அமினோ அமிலங்கள் மற்றும் வைட்டமின் ஏ, பி, சி, கால்சியம் போன்றவைகளும் உள்ளன.

இதனால் இதில் பல்வேறு மருத்துவ குணங்கள் இருப்பதோடு, நல்ல மணத்தையும் தருகிறது. இதன் காரணமாக புரஸ்ட்டேட் புற்றுநோய் ஏற்படுவது தடுக்கப்படுகிறது என்று ஆய்வாளர்கள் கண்டறிந்துள்ளனர்.

இதேபோல் ஆஸ்திரேலிய உணவியல் அறிஞர்கள் கறிவேப்பிலை குறித்து ஆய்வு மேற்கொண்டனர். கருவேப்பிலை சாப்பிடுவதால் இதய நோய் வராது, மேலும் ஞாபக சக்தியும் அதிகரிக்கும் என்று ஆய்வாளர்கள் தெரிவித்துள்ளனர்.

இது ஒரு சிறந்த ஆன்டிஆக்ஸிடென்டாக இயங்குகிறது என்றும் கூறும் ஆய்வாளர்கள், கறிவேப்பிலைக்கு புற்றுநோயை ஆரம்பித்திலேயே கொல்லும் ஆற்றல் உள்ளது என்று கண்டறிந்துள்ளனர்.

சென்னையில் 2 மாணவர்கள் பலி; 50 பேருக்கு பாதிப்பு டெங்கு பரவுகிறது : 7 மாவட்டங்களில் 100 பேருக்கு சிகிச்சை

சென்னை : தமிழகத்தில் டெங்கு காய்ச்சல் வேகமாக பரவுகிறது. சென்னையில் 2 மாணவர்கள்  இறந்தனர்; 50 பேருக்கு பாதிப்பு ஏற்பட்டுள்ளது. 7 மாவட்டங்களில் 100க்கும் மேற்பட்டோர் சிகிச்சை பெற்று வருகின்றனர். மத்திய சுகாதாரத்துறை அமைச்சர் குலாம்நபி ஆசாத், டெங்கு காய்ச்சலை தடுக்க தென்மாநில சுகாதாரத்துறை அமைச்சர்கள் மற்றும் சுகாதாரத்துறை அதிகாரிகளுடன் நேற்று முன்தினம் சென்னையில் ஆலோசனை நடத்தினார். பின் டெங்கு குறித்து பயப்படத் தேவையில்லை என்றார். ஆனால் தமிழகத்தில் பரவலாக டெங்கு பரவி வருகிறது.  சென்னையில் நேற்று டெங்கு காய்ச்சலுக்கு 2 பேர் பலியாகியுள்ளனர். சென்னை ஐஸ் அவுஸ் போலீஸ் குடியிருப்பில் வசிப்பவர் டேவிட் ஜெயசிங். இவர், ஏழுகிணறு காவல் நிலையத்தில் சப்,இன்ஸ்பெக்டராக பணியாற்றி வந்தார். கடந்த 20 நாட்களுக்கு முன்பு சாலை விபத்தில் டேவிட் இறந்துவிட்டார்.   இவரது மகன் சாம்ஜி. இவர், துரைப்பாக்கத்தில் உள்ள ஒரு கல்லூரியில் படித்து வந்தார். கடந்த 3 வாரமாக சாம்ஜி கடுமையான காய்ச்சலால் அவதிப்பட்டு வந்துள்ளார். தனியார் மருத்துவமனையில் சிகிச்சை பெற்று வந்தவர், 11ம் தேதி ராயப்பேட்டை அரசு மருத்துவமனையில் அனுமதிக்கப்பட்டார். அங்கு அவருக்கு டெங்கு காய்ச்சல் இருப்பது உறுதி செய்யப்பட்டது. அவருக்கு தனி வார்டில் வைத்து டாக்டர்கள் சிகிச்சை அளித்தனர். நேற்று காலை சாம்ஜி பரிதாபமாக உயிரிழந்தார். இதுதொடர்பாக மருத்துவமனை நிர்வாகம் கூறுகையில், சாம்ஜி காய்ச்சல் காரணமாக, தனியார் மருத்துவமனையில் 10 நாட்களுக்கு மேல் சிகிச்சை பெற்று வந்தார். அவரது உடல் உறுப்புகள் பெரும்பாலும் செயலிழந்த நிலையில் தான், இந்த மருத்துவமனையில் சிகிச்சைக்கு அனுமதிக்கப்பட்டார். டாக்டர்கள் தீவிர சிகிச்சை அளித்தனர். இந்நிலையில் பல்லுறுப்புகள் செயலிழந்ததால், அவர் உயிரிழந்தார்’’ என்றார். திருவேற்காட்டை சேர்ந்தவர் ராஜேந்திரன். கட்டிட மேஸ்திரி. இவரது மகன் சுதாகர் (17). அரும்பாக்கத்தில் உள்ள பள்ளியில் பிளஸ் 2 படித்து வந்தார். ஒரு வாரமாக சுதாகர் கடுமையான காய்ச்சலால் பாதிக்கப்பட்டு இருந்தார். இதையடுத்து, அவரை உடனடியாக வேலப்பன்சாவடியில் உள்ள தனியார் மருத்துவக் கல்லூரி மருத்துவமனையில் சிகிச்சைக்காக அனுமதித்தனர். சுதாகரின் உடல்நிலை மிகவும் மோசமடைந்தது. இதையடுத்து, அரசு பொது மருத்துவமனையில் சேர்ப்பதற்காக, நேற்று மாலை சுதாகரை ஆம்புலன்சில் கொண்டு வந்தனர். அவரை பரிசோதனை செய்த டாக்டர்கள் ஏற்கனவே அவர் இறந்துவிட்டதாக தெரிவித்தார். இது குறித்து உறவினர்கள் கூறுகையில், ‘‘சுதாகருக்கு கடுமையான காய்ச்சல் இருந்தது. அதனால் தனியார் மருத்துவமனையில் சேர்த்தோம். டெங்கு காய்ச்சலுக்கான அறிகுறிகளும் காணப்பட்டது. ஆனால், டெங்கு காய்ச்சலா என்பது தெரியவில்லை’’ என்று கண்ணீருடன் கூறினர். சென்னை அரசு பொது மருத்துவமனையில் காய்ச்சல் மற்றும் டெங்கு காய்ச்சல் அறிகுறிகளுடன் கடந்த 3 நாட்களில் 50 பேர் சிகிச்சைக்கு வந்துள்ளனர். ராயப்பேட்டை அரசு மருத்துவமனையில் 5 குழந்தைகளும், எழும்பூர் அரசு குழந்தைகள் மருத்துவமனையில் 7 குழந்தைகளும், கீழ்ப்பாக்கம் அரசு மருத்துவமனையில் ஒரு பெண் உட்பட 3 பேரும்,  ஸ்டான்லி அரசு மருத்துவமனையில் டெங்கு காய்ச்சல் அறிகுறிகளுடன் 13 பேரும் அனுமதிக்கப்பட்டுள்ளனர். டெங்கு காய்ச்சலால் சென்னை மற்றும் புறநகரில் 40 பேர் பாதிக்கப்பட்டுள்ளனர்.

சென்னையில் அரசு மற்றும் தனியார் மருத்துவமனைகளில் நேற்று முன்தினம் வரை 26 பேர் டெங்கு காய்ச்சலால் பாதிக்கப்பட்டு சிகிச்சை பெற்று வருகின்றனர். நேற்று ஒரே நாளில் மட்டும் 14 பேர் டெங்கு காய்ச்சலுக்கு பாதிக்கப்பட்டுள்ளனர் என்பது குறிப்பிடத்தக்கது. இதுகுறித்து சென்னை மாநகராட்சி ஆணையர் கார்த்திகேயன் கூறுகையில், ‘‘சென்னையில் டெங்கு காய்ச்சலுக்கு 26 பேர் பாதிக்கப்பட்டுள்ளனர்’’ என்றார். மாவட்டங்களில்: சென்னை தவிர, 7 மாவட்டங்களில் டெங்கு பரவி வருகிறது. அங்கும் 100க்கும் மேற்பட்டவர்கள் சிகிச்சை பெற்றுவருகின்றனர். — விருதுநகர் மாவட்டத்தில் டெங்கு காய்ச்சலுக்கு 3 பேர் ஏற்கனவே பலியாகியுள்ள நிலையில், தற்போது மேலும் 5 பேருக்கு டெங்கு பாதிப்பு இருப்பது சுகாதார துறை, பொதுமக்கள் மத்தியில் அதிர்ச்சியை ஏற்படுத்தியுள்ளது. 

திருவண்ணாமலை மாவட்டம் கோவிலாம்பூண்டி கிராமத்தை சேர்ந்த சரத்குமாருக்கு திடீரென காய்ச்சல் ஏற்பட்டது. அவர் நேற்று  பரிதாபமாக இறந்தார். 

நாகை மாவட்டத்தில்  15 பேருக்கு மர்ம காய்ச்சல் ஏற்பட்டு சீர்காழி அரசு மருத்துவமனையில் சேர்க்கப்பட்டு சிகிச்சை பெற்று வருகின்றனர். 

கடலூர் மாவட்டம் காட்டுமன்னார் கோயிலில் ஒருவருக்கு டெங்கு பாதிப்பு உள்ளது. 
கோவையில் டெங்கு பாதிப்புக்கு 10 பேர் சிகிச்சை பெற்று வருகின்றனர். அங்கு டெங்கை கட்டுப்படுத்த, கிராமங்களில் முகாமிட்டு டாக்டர்கள் சிகிச்சை அளித்து வருகின்றனர். 

நெல்லை மாவட்டம் கடையநல்லூரில் இரு நாட்களுக்கு மர்ம காய்ச்சலுக்கு சிறுமி பலியானார். 3 பேர் டெங்கு பாதிப்பால் சிகிச்சை பெற்று வருகின்றனர்.

வேலூர் மாவட்டத்தில் டெங்கு மற்றும் மர்ம காய்ச்சலுக்கு 7 பேர் பலியாகினர். மேலும் 12  சிகிச்சை பெற்று வருகின்றனர். மதுரை அரசு மருத்துவமனையில் சில நாட்களுக்கு முன்பு அடுத்தடுத்து 3 சிறுமிகள் பலியாகி உள்ளனர். இப்படி வேறு சில மாவட்டங்களில் இருந்தும் தகவல்கள் வந்த வண்ணம் உள்ளது. இவ்வாறு தமிழகம் முழுவதும் டெங்கு காய்ச்சல் பரவி வருவதால், அதை தடுக்க தமிழக அரசு தீவிர நடவடிக்கை எடுத்து வருகிறது. பொதுமக்கள் முன்னெச்சரிக்கை நடவடிக்கைகளை மேற்கொள்ள வேண்டும் என்றும் அதிகாரிகள் வேண்டுகோள் விடுத்துள்ளனர்.

பாகிஸ்தானில் 20,000 இணையதளங்களுக்குத் தடை!

இஸ்லாமாபாத் : ஆட்சேபகரமான உள்ளடக்கங்களைக் கொண்டுள்ளன என்று குற்றம் சாட்டி யூ டியூப்  உட்பட சுமார் 20,000 வரை இணையதளங்களும், வலையூட்டுகளும் பாகிஸ்தான் அரசால் தடை செய்யப்பட்டுள்ளன.

இஸ்லாத்திற்கு விரோதமான சினிமா இணையதளங்களில் வெளியிடப்பட்டதையொட்டி இந்த நடவடிக்கை எடுக்கப்பட்டுள்ளதாக பாகிஸ்தான் தொலைத்தொடர்பு அமைச்சகம் அறிவித்துள்ளது. முன்னதாக சர்ச்சைக்குரிய திரைப்படத்தைத் தடை செய்ய முடியாமல் போனது சம்பந்தமாக பாக்., தொலைத்தொடர்பு அதிகாரத்தின் தலைவருக்கெதிராக வழக்கு தொடுக்கப்படவேண்டும் என்று லாகூர் உயர்நீதிமன்றம் உத்தரவிட்டிருந்தது.

யூ டியூபின் மீதுள்ள தடையை தற்பொழுது நீக்கும் எண்ணம் இல்லை என்று அதிகாரிகள் கூறினார்கள். அந்தத் திரைப்படத்தை யூ டியூப் தடை செய்யாதவரை அதன் தடையை நாங்கள் நீக்கப்போவதில்லை என்று  பாகிஸ்தான் தொலைத்தொடர்பு அமைச்சகம் அறிவித்துள்ளது.