சிதம்பரம்-ஆத்தூர் புதிய ரயில்பாதை திட்டத்தை அறிவிக்கக் கோரிக்கை

சிதம்பரம், ஆக. 11: சிதம்பரத்திலிருந்து காட்டுமன்னார்கோயில், மீன்சுருட்டி, ஜெயங்கொண்டம், அரியலூர் வழியாக ஆத்தூர் வரையிலான புதிய ரயில் பாதை திட்டத்துக்கு புதுதில்லி ரயில்வே போர்டு அனுமதி வழங்க வேண்டும் என தெற்கு ரயில்வே ஆலோசனைக்குழு உறுப்பினர் கே.வி.எம்.எஸ்.சரவணக்குமார், ரயில்வே அமைச்சருக்கு கடிதம் அனுப்பியுள்ளார்.
÷கடித விவரம்: கடந்த 2008-2009 ரயில்வே பட்ஜெட்டில் மத்திய கப்பல் போக்குவரத்துத்துறை அமைச்சர் ஜி.கே.வாசன் பரிந்துரையின் பேரில் சிதம்பரத்திலிருந்து ஆத்தூர் வரை (சிதம்பரம், குமராட்சி, காட்டுமன்னார்கோயில், மீன்சுருட்டி, ஜெயங்கொண்டம், குன்னம், அரியலூர், ஆத்தூர்) புதிய ரயில்பாதையை அப்போதைய ரயில்வே துறை அமைச்சர் லாலு பிரசாத் யாதவ் அறிவித்தார். அதனடிப்படையில் 2009 ஜூன் மாதம் ரயில்வே போர்டுக்கு இத்திட்டத்தின் ஆய்வு அறிக்கை சமர்ப்பிக்கப்பட்டுள்ளது. 2009-ம் ஆண்டு முதல் புதுதில்லி ரயில்வே போர்டு அனுமதிக்காக இத்திட்டம் காத்திருக்கிறது. இந்த புதிய ரயில்பாதைக்கு அனுமதி வழங்குவதன் மூலம் மிகவும் பின்தங்கிய மாவட்டமான கடலூர் மாவட்டம், அரியலூர் மாவட்டம் பொருளாதார ரீதியாக முன்னேற வாய்ப்புள்ளது. இத்திட்டம் ஆங்கிலேயர் காலத்தின் கனவு திட்டமாக உள்ளது.
எனவே இத்திட்டத்துக்கு மத்திய ரயில்வே போர்டு அனுமதி வழங்கி திட்டம் தொடங்க நடவடிக்கை எடுக்க வேண்டும். மேலும் மயிலாடுதுறை முதல் சென்னை வரை இன்டர்சிட்டி எக்ஸ்பிரஸ் ரயில்களை இயக்க அறிவிப்பு வெளியிட வேண்டும். சிதம்பரம் ரயில் நிலையத்தில் கூடுதலாக டிக்கெட் புக்கிங் கவுன்ட்டர் திறக்க வேண்டும் என சரவணக்குமார் கடிதத்தில் கேட்டுக்கொண்டுள்ளார்.

மஸ்ஜிதுல் அக்ஸா:ஜும்ஆ தொழுகையில் 3.5 லட்சம் முஸ்லிம்கள் பங்கேற்பு!

ஜெருசலம்:இஸ்லாத்தில் மூன்று முக்கிய புனித மஸ்ஜிதுகளில் ஒன்றான மஸ்ஜிதுல் அக்ஸாவில் ரமலானின் நான்காவது வெள்ளிக்கிழமையன்று மூன்றரை லட்சத்திற்கும் அதிகமான முஸ்லிம்கள் ஜும்ஆ தொழுகையில் பங்கேற்றனர்.

இஸ்ரேலின் பலத்த பாதுகாப்பு ஏற்பாடுகளையும் மீறி லட்சக்கணக்கான மக்கள் பரிசுத்தமான மஸ்ஜிதில் நடந்த ஜும்ஆவில் கலந்துகொண்டனர்.

மஸ்ஜிதுல் அக்ஸாவில் ஜும்ஆ உரை நிகழ்த்திய இமாம் தனது உரையில் கூறியது: ‘ஃபலஸ்தீன் மற்றும் புனித மஸ்ஜிதான மஸ்ஜிதுல் அக்ஸாவை விடுவிப்பது உலக முஸ்லிம்களின் கடமையாகும். இவற்றின் பாதுகாப்பு என்பது உலக முஸ்லிம்களின் நம்பிக்கையில் உட்பட்டதாகும். எல்லா வேற்றுமைகளையும் மறந்து முஸ்லிம்கள் ஒன்றிணைந்து குத்ஸின் விடுதலைக்காக பாடுபட வேண்டும்’ என கூறினார்.

மஸ்ஜிதுல் அக்ஸா மற்றும் குப்பத்துஸ்ஸுஹ்ராவின் முற்றங்கள் ஆண்கள் மற்றும் பெண்களால் நிரம்பி வழிந்தன. ஜும்ஆ தொழுகைக்கு பிறகு ஃபலஸ்தீன் மற்றும் இதர நாடுகளில் உயிர் தியாகம் புரிந்த முஸ்லிம்களுக்கு ஜனாஸா தொழுகையும்(இறந்தவர்களுக்கான பிரார்த்தனை) சிறப்பு பிரார்த்தனையும் நடைபெற்றன.

கொள்ளுமேடு SDPI நடத்திய இஃப்தார் நிகழ்ச்சி

கொள்ளுமேடு SDPI நடத்திய இஃப்தார் நிகழ்ச்சி  சோஷியல் டெமாக்ரடிக் பார்ட்டி ஆஃப்இந்தியா SDPI சார்பில் இஃப்தார் நிகழ்ச்சி இன்று 12.08.2012  நடைபெற்றது.

ஜெயலலிதாவின் திமிர்தன அரசியலும், கலைஞரின் வெற்றியும்… எம்.தமிமுன் அன்சாரி

• எம்.தமிமுன் அன்சாரி

ஈழத்தமிழர் விவகாரத்தில் இழந்த செல்வாக்கை மீட்டெடுக்க தமிழ் ஈழ ஆதரவாளர் கூட்டமைப்பு (TESO) என்ற பழைய ஆயுதத்தை கையிலெடுத்திருக்கிறார் கலைஞர்.

‘டெசோ’வின் சார்பில் ஈழத்தமிழன் வாழ்வுரிமை பாதுகாப்பு மாநாடு இன்று (12.08.2012) சென்னை ராயப்பேட்டை YMCA மைதானத்தில் நடக்க விருந்த நிலையில், தமிழக அரசு அந்த மாநாட்டுக்கு அனுமதி மறுத்திருக்கிறது.

இது கலைஞருக்கு கிடைத்திருக்கும் அரிய வெற்றியாகும். இம்மாநாடு குறித்து பெரும் கண்டனங்களையும், கடும் விவாதங்களையும் சந்தித்த கலைஞரை, முதல்வர் ஜெயலலிதாவின் இச்செயல் காப்பாற்றியிருக்கின்றது.

ஈழத்தமிழர் விவகாரத்தில் திமுக இந்த அளவுக்கு முன்னேறியிருப்பது வரவேற்க வேண்டிய ஒன்றுதான். ஈழத்தமிழர்கள் கடைசிக் கட்ட போரில் பரிதவித்து நின்றபோது. காங்கிரஸ் ‘கூட்டணியின்’ நலனுக்காக அவர் செயலற்று இருந்தார். அந்த கருப்பு நாட்களை கழுவ கலைஞருக்கு இம்மாநாடு ஒரு சிறிய வாய்ப்பை வழங்கியுள்ளது.

தனித்தமிழ் ஈழம் கோரும் மாநாடாக இது அமைந்திருந்தால், உலகத் தமிழ்ர்களின் பெரும் வரவேற்பை இம்மாநாடு பெற்றிருந்திருக்கும்.

ஆனால், மத்திய அரசியல் பங்கேற்றுக் கொண்டு இந்திய வெளியுறவு ‘கொள்கைக்கு’ எதிராக செயல்பட ‘கூட்டணி தர்மம்’ அனுமதிக்கவில்லை.

அதைவிட முக்கிய காரணம் ஒன்று உண்டு. அதை யாருமே கவனிக்கவில்லை. இலங்கையில் தமிழர்களுக்கு தனி நாடு கோறும் தீர்மானத்தை திமுக நிறைவேற்றினால், அது இந்தியாவை பீதிக்குள்ளாக்கும்.

காரணம், காஷ்மீரை தனி நாடாக்க வேண்டும் என பாகிஸ்தான் செய்து வரும் சர்வதேச பிரச்சாரத்தை அது வேறு வகையில் நியாயப்படுத்தி விடும்.

மத்திய உளவுத் துறையும், வெளியுறவு ராஜதந்தீரிகளும் இதை மன்மோகன் சிங்கிடமும், ப.சிதம்பரத்திடமும் சுட்டிக் காட்டிய பிறகுதான் அவர்கள் தங்களின் ‘தர்மசங்கடத்தை’ கலைஞரிடம் சுட்டிக் காட்டி, தனி ஈழ தீர்மானத்தை கைவிட செய்திருக்கிறார்கள்.

இவ்விஷயத்தில் கலைஞர் பின் வாங்கியது, ஈழத்தமிழர் விவகாரத்தில் அவரை ஒரு சந்தர்ப்பவாதியாக தோற்றம் ஏற்படுத்திவிட்டது என்னவோ உண்மை!

அவை எல்லாவற்றையும் மீறி கலைஞரின் ‘டெசோ’ முயற்சி வெற்றி பெற்றிருக்கிறது. எப்படி? மாநாட்டிற்கு தமிழக அரசு விதித்த தடைதான் அதற்கு காரணம்!

முதல்வர் ஜெயலலிதாவின் ‘திமிர்’ தன அரசியல், கலைஞரே எதிர்பார்க்காத வெற்றியை அவருக்கு கொடுத்திருக்கிறது.

லைலத்துல் கத்ர் இரவு

முன்னுரை:

லைலத்துல் கத்ர் இரவு என்பது ஒரு வருடத்தில் இருக்கும் இரவுகளில் மிகவும் மகத்துவம் மிக்க இரவாகும். பல வருடங்கள் செய்தால் கிடைக்கும் நன்மைகள் ஒரு இரவிலேயே கிடைத்து விடும் அளவுக்கு பாக்கியம் மிக்க இரவுமாகும். அப்படிப்பட்ட இரவின் முழுவிபரங்களை நாம் தெரிந்து கொள்வது மிகவும் அவசியம்.

1. சிறப்புகள்:

‘இந்த திருக்குர்ஆனை மகத்துவமிக்க இரவில் நாம் இறக்கினோம். மகத்துவமிக்க இரவைப் பற்றி உமக்குத் தெரியுமா? அந்த மகத்துவமிக்க இரவு ஆயிரம் மாதங்களைவிட சிறந்ததாகும்’. (அல்குர்ஆன் 97:1-3)

சிறப்புகள்: 1. அல்குர்ஆன் இறக்கப்பட்ட இரவு. 2. ரமளான் மாதத்தில் ஒரு இரவு 3. ஆயிரம் மாதங்களை விட சிறந்த இரவு.

2. அது எந்த இரவு?:

‘..ரமளானின் கடைசிப் பத்து நாட்களில் லைலத்துல் கத்ரை தேடுங்கள் என்று நபி (ஸல்) அவர்கள் கூறினார்கள் என்று ஆயிஷா (ரலி) அவர்கள் அறிவிக்கிறார்கள். (நூற்கள்: புஹாரி, முஸ்லிம், திர்மிதி – 722)

    ‘நபி (ஸல்) அவர்கள் மக்களிடம் வந்தார்கள். அப்போது இரண்டு மனிதர்கள் வழக்காடிக் கொண்டிருந்தனர். அவ்விருவர்களுடனும் ஷைத்தான் இருந்தான். எனவே அதை நான் மறந்து விட்டேன். எனவே அதைக் கடைசிப்பத்து நாட்களில் தேடுங்கள்’ என்பது நபிமொழி. (அறிவிப்பவர்: அபூஸயீத் (ரலி), நூற்கள்: முஸ்லிம், அஹ்மது)

    மேற்கண்ட ஹதீஸ்கள் ரமளானின் கடைசி பத்து நாட்களில் லைலத்துல் கத்ர் இரவு இருக்கிறது என்பதை தெரிவிக்கிறது.

    ‘லைலத்துல் கத்ர் இரவை ரமளானின் கடைசிப் பத்து நாட்களில் ஒற்றை இரவுகளில் நீங்கள் தேடுங்கள்’ என்பது நபிமொழி. (அறிவிப்பவர்: ஆயிஷா (ரலி), நூல்: புகாரி)

    இந்த ஹதீஸில் ரமளானின் கடைசிப் பத்து நாட்களில் ஒற்றை இரவுகளில் அது இருக்கிறது என்றும் மேலும் சில ஹதீஸ்களில் குறிப்பிட்ட நாளின் இரவில் அது இருக்கிறது என்றும் வந்துள்ளது. இருந்தாலும் அது எந்த இரவு என்பது நபி (ஸல்) அவர்கள் மறந்து விட்டதால் ரமளானின் கடைசிப் பத்து நாட்களில் தேடுவதே சிறந்ததாகும்.

3. லைலத்துல் கத்ரை தேடுவது:

‘நபி (ஸல்) அவர்கள் மற்ற நாட்களில் முயற்சிக்காத அளவு கடைசிப் பத்து நாட்கள் முயற்சிப்பார்கள்’ என்று ஆயிஷா (ரலி) அறிவிக்கிறார்கள். (நூற்கள்: இப்னுமாஜா, அஹ்மது, திர்மிதி 726)

4. லைலத்துல் கத்ர் இரவில் வணக்க வழிபாடு:
‘ரமளானின் கடைசிப் பத்து நாட்களில் நபி (ஸல்) அவர்கள் தம் குடும்பத்தினரை (வணக்கத்தில் ஈடுபடுவதற்காக) விழித்திருக்கச் செய்வார்கள்’ இதை அலி (ரலி) அறிவிக்கிறார்கள். (நூற்கள்: திர்மிதி 725, அஹ்மது)

5. (இஃதிகாப்) பள்ளியில் தங்குதல்:
‘நபி (ஸல்) அவர்களை அல்லாஹ் மரணிக்கச் செய்யும் வரை ரமளானின் கடைசிப் பத்து நாட்களில் இஃதிகாப் இருந்து வந்தார்கள்’. (அறிவிப்பவர்: ஆயிஷா (ரலி), நூற்கள்: திர்மிதி 720, அஹ்மது)

6. இரவு வணக்கமும் பாவமன்னிப்பும்:
‘நம்பிக்கையுடனும் நன்மையை எதிர்பார்த்தும் யார் லைலத்துல் கத்ர் இரவில் நின்று வணங்குகிறாரோ அவரது முன்பாவங்கள் மன்னிக்கப்படுகின்றன’ என நபி (ஸல்) அவர்கள் கூறினார்கள். (அறிவிப்பவர்: அபூஹுரைரா (ரலி), நூற்கள்: புகாரி, முஸ்லிம், திர்மிதி 619, அபூதாவூது, முஅத்தா)

7. லைலத்துல் கத்ரின் துஆ:

ஆயிஷா (ரலி) அவர்கள் அறிவிக்கிறார்கள்:

    ‘அல்லாஹ்வின் திருத்தூதரே! லைலத்துல் கத்ர் இரவு எது என்பதை நான் அறிந்தால் அதில் நான் என்ன சொல்ல வேண்டும்?’ என்று நான் கேட்டேன். அதற்கு, ‘அல்லாஹும்ம இன்னக்க அஃபுவ்வுன் துஹிப்புல் அஃப்வ ஃபஃபுஅன்னி’ என்று சொல் என்று கூறினார்கள். (நூற்கள்: அஹ்மது, நஸயி, ஹாக்கிம், இப்னுமாஜா 3850, திர்மிதி 3580)

اللَّهُمَّ إِنَّكَ عَفُوٌّ تُحِبُّ العَفْوَ فَاعْفُ عَنِّي

பொருள்: ‘இறைவா! நீ மன்னிப்பவன், மன்னிப்பதை விரும்புகிறாய், எனவே நீ என்னை மன்னித்து விடு!’

முடிவுரை:
லைலத்துல் கத்ர் இரவின் முழுமையான பயனை அடைந்து கொள்ள ரமளானின் கடைசிப் பத்து நாட்களில் முயற்சிப்போமாக! அதற்கு அல்லாஹ் நமக்கு உதவிடுவானாக!

மியான்மர் மற்றும் அஸ்ஸாமில் முஸ்லிம்கள் படுகொலை - சென்னையில் முஸ்லிம்கள் மாபெரும் ஆர்ப்பாட்டம்

மேற்கு பர்மாவில் முஸ்லிம்கள் திரளாக வசித்துவரும் ராகின் மாநிலத்தில் பௌத்த வெறிக்கும்பல் அரசாங்கத்தின் ஆதரவோடு முஸ்லிம்களை ஈவிரக்கம் இல்லாமல் இனப்படுகொலை செய்து வருகிறது. கடந்த ஒரு மாதத்தில் இந்த வெறியாட்டம் உச்சக்கட்டத்தை எட்டியுள்ளது. பல்லாயிரக்கணக்கான முஸ்லிம்கள் வெட்டியும் எரித்தும் கொல்லப்பட்டுள்ளனர். புத்த பிக்குகள் கொலைப்படையை வழிநடத்துவதும், துப்பாக்கிகளோடு திரிவதும் இணையதங்களில் அம்பலப்படுத்தப்பட்டுள்ளன.

ராகின் தேசியவாதிகள் எனப்படும் பௌத்த பயங்கரவாதிகளால் ஆயிரக்கணக்கான முஸ்லிம்களைப் படுகொலை செய்வது 1942ஆம் ஆண்டிலிருந்தே தொடர்ந்து வருகிறது. 18.03.1942 அன்று 5 ஆயிரம் ராகின் முஸ்லிம்கள் பௌத்த பயங்கரவாதிகளால் கொல்லப்பட்டுள்ளனர். இன்றுவரை அந்த வெறியாட்டம் பௌத்த பேரினவாதப் பின்னணியோடும் அரசு ஆதரவோடும் தொடர்ந்து வருகிறது.

குடியுரிமை மறுக்கப்பட்டு கல்வி வேலைவாய்ப்புகளில் ஒடுக்கப்பட்டு கொடுமைகள் இழைக்கப்பட்டு மரணத்தின் விளிம்பில் பீதியோடு நிறுத்தப்பட்டுள்ள வறுமை முஸ்லிம்களுக்கு தமுமுக தனது தார்மீக ஆதரவைத் தெரிவிப்பதோடு, மத்திய அரசு மியான்மர் அரசுக்கு கண்டனத்தை தெரிவிக்க வேண்டுமென்றும், மியான்மர் தூதரை நாட்டை விட்டு வெளியேற்ற வேண்டுமென்றும் தமுமுக வலியுறுத்துகிறது.

இந்தியாவின் வடகிழக்கு மாநிலமான அஸ்ஸாமில் முஸ்லிம்கள் போடோ பயங்கரவாதி களால் சொல்லொணா துயருக்கு ஆளாகியுள்ளனர். உண்மை அறியும் குழுக்களின் அறிக்கையின்படி இதுவரை மூன்று லட்சம் மக்கள் 300 அகதி முகாம்களில் அடைக்கப்பட்டிருப்பதும், 73 முஸ்லிம்கள் படுகொலை செய்யப்பட்டிருப்பதும் தெரியவருகிறது. அகதி முகாம்களிலும் முஸ்லிம்கள் மிகப்பெரிய கொடுமைகளை சந்தித்து வருகின்றனர்.

சங்பரிவாரத்தால் இயக்கப்படும் போடோ பயங்கரவாதிகள் மண்ணின் மைந்தர்களான அஸ்ஸாமிய முஸ்லிம்களை "ஊடுருவல்காரர்கள்' என்று கொச்சைப்படுத்தி பச்சைப்படுகொலை செய்து வருகின்றனர்.

1983ஆம் ஆண்டு சங்பரிவார் மாணவர் அமைப்பான ஆஆநம (AASU (All Assam Students Union)ஐ பயன்படுத்தி வன்முறையை உருவாக்கி ஒரே நாளில் 3 ஆயிரத்திற்கும் மேற்பட்ட முஸ்லிம்களைப் படுகொலை செய்தனர்.

நெல்லிப் படுகொலைகள் எனப்படும் இந்த முஸ்லிம் இனப்படுகொலை குறித்து விசாரிக்க அமைக்கப்பட்ட பூபன்தாஸ் திவாரி ஆணையத்தை முடக்கி, அதன் அறிக்கைகளை குப்பையில் வீசி, பயங்கரவாதிகளைத் தப்பிக்கவைத்தது சங்பரிவார ஆதரவுடன் ஆட்சிக்கு வந்த அஸ்ஸாம் கன பரிஷத்.

இப்போது மீண்டும் போடோக்கள், பயங்கர ஆயுதங்களுடன் கோக்ரஜா, பஸ்கா, சிராங், உதல்கிரி ஆகிய பகுதிகளில் முஸ்லிம்களை இனப்படுகொலை செய்தும், வீடுகளை இடித்தும் சீரழித்து வருகின்றனர். மத்திய, மாநில அரசுகள் இந்த வன்முறைகளை வளரவிட்டு வேடிக்கைப் பார்க்கின்றன.

அவலங்களால் சூழப்பட்டு, அபலைகளாய் நிற்கும் அஸ்ஸாமிய முஸ்லிம்களுக்கும் தமுமுக தனது தார்மீக ஆதரவைத் தெரிவிக்கிறது.

கொடுமைக்குள்ளான முஸ்லிம்களுக்கு மத்திய, மாநில அரசுகள் உடனடியாக உரிய இழப்பீடு தருவதோடு, அவர்களின் பாதுகாப்பான வாழ்வுக்கு உரிய ஏற்பாடுகளை செய்துதர வேண்டுமென தமுமுக கோருகிறது.

ஆயுதங்களை முழுமையாக ஒப்படைக்காமல் சீனா உள்ளிட்ட வெளிநாட்டு சக்திகளின் ஆதரவோடு வெறியாட்டம் நடத்திவரும் போடோ பயங்கரவாதிகளை இரும்புக்கரம் கொண்டு அடக்க வேண்டுமென தமுமுக வலியுறுத்துகிறது.

 மேற்கண்ட முஸ்லிம் இனப்படுகொலைகளைக் கண்டித்தும், அதற்காக தீர்வு காண வலியுறுத்தியும் தமுமுக சார்பில் 10.08.2012 (வெள்ளிக்கிழமை) அன்று சென்னை மாவட்ட ஆட்சியர் அலுவலகம் அருகில் முஸ்லிம்கள் மாபெரும் ஆர்ப்பாட்டம் நடத்தினர். இந்த ஆர்ப்பாட்டத்திற்கு தமுமுக மூத்த தலைவரும், மனிதநேய மக்கள் கட்சியின் சட்டமன்றக்குழு தலைவருமான பேராசிரியர் எம்.ஹெச். ஜவாஹிருல்லாஹ் அவர்கள் தலைமை தாங்கினார். மூத்த தலைவர் செ. ஹைதர் அலி, துணைத் தலைவர் குணங்குடி ஆர்.எம். அனிபா, மாநிலச் செயலாளர்கள் பேராசிரியர் ஜெ. ஹாஜாகனி, பி.எஸ். ஹமீது, மீரான் மொய்தீன், மமக இணை பொதுச் செயலாளர் எஸ்.எஸ். ஹாரூண் ரஷீத் உள்ளிட்ட மாநில நிர்வாகிகளும், வடசென்னை, தென்சென்னை, காஞ்சி, திருவள்ளூர் மாவட்ட நிர்வாகிகளும் இந்த ஆர்ப்பாட்டத்தில் பங்கேற்றனர். ஆயிரக்கணக்கான முஸ்லிம்கள் இந்தக் கண்டன ஆர்ப்பாட்டத்தில் பங்கேறறு தங்கள் உணரவுகளை வெளிப்படுத்தினர்.

50% ஞாபக மறதியை கட்டுப்படுத்தலாம்! ஆய்வில்!!

வாஷிங்டன்: குறித்த நேரத்தில் இஸ்லாம் விதித்துள்ள ஐங்கால கடமையான தொழுகையை நிறைவேற்றுவதன் மூலம் அல்ஸிமர்ஸ் எனும் ஞாபக மறதி நோயை 50% கட்டுப்படுத்தலாம் என அமெரிக்க-இஸ்ரேலிய விஞ்ஞானிகள் நடத்திய ஆய்வில் தெரியவந்துள்ளது.

டெல் அவீவ், யாஃபா, அமெரிக்காவின் இதர பல்கலைக்கழகத்தைச் சார்ந்த விஞ்ஞானிகள் இந்த ஆய்வை நடத்தியுள்ளனர்.

நினைவாற்றல் குறையாமலிருக்க பயிற்சி மையங்கள் மற்றும் இதர வழிகளில் பயிற்சி மேற்கொள்பவர்களை விட குறிப்பிட்ட நேரத்தில் தொழுகையை பேணுபவர்களுக்கு அல்ஸிமர்ஸ் நோய் தாக்கும் வாய்ப்பு குறைவாகும் என இந்த ஆய்வில் தெரியவந்துள்ளது.

இத்தகைய நபர்களுக்கு நோயின் கடுமை 24 சதவீதம் குறைவாக இருக்கும் என ஆய்வில் கூறப்படுகிறது. அல்ஸிமர்ஸ் நோயை தடுக்க இதர பயிற்சி வகைகளை விட குறித்த நேரத்தில் தொழுவதால் இரட்டிப்பு பலன் கிடைப்பதாக ஆய்வு கூறுகிறது.

குறித்த நேரத்தில் தொழுகையை பேணுவது அல்ஷிமர்ஸ் நோயிலிருந்து காப்பாற்றுவதுடன் புத்தியாகவும், சிந்தனை ரீதியாகவும் பேசுவதற்கு தேவையான ஆக்கப்பூர்வமான பலன்கள் கிடைப்பதாக இந்த ஆய்வுக் குழுவின் தலைவராக பணியாற்றிய பேராசிரியர் Rivka Inzelberg கூறுகிறார்.

65 வயதுக்கு மேற்பட்ட ஆயிரத்திற்கும் மேற்பட்ட நபர்களிடம் நடத்தப்பட்ட ஆய்வில் 92 பேருக்கு மட்டுமே ஞாபக மறதி நோய் பாதித்துள்ளது. 300 பேருக்கு சிறிய அளவில் பாதித்துள்ளது. மீதமுள்ளோருக்கு எவ்வித பாதிப்பும் இல்லை.

கோவை தமுமுக சார்பாக முஸ்லிம் சிறைவாசிகளுக்கு 1 .25 லட்சம் ரூபாய் மதிப்பில் நோன்பு ஏற்பாடு

கோவை தமுமுக சார்பாக முஸ்லிம் சிறைவாசிகளுக்கு 1 .25 லட்சம் ரூபாய் மதிப்பில் நோன்பு ஏற்பாடு

FRIDAY, 10 AUGUST 2012 12:13 ADMINISTRATOR


கோவை மத்திய சிறையில் இருக்கும் முஸ்லிம் சிறைவாசிகளுக்கு சஹர் உணவிற்கும் இப்தார் உணவிற்கும் நோன்புக்கஞ்சி தயார் செய்வதற்கும் தேவையான பொருட்களை சுமார் 1 .25 லட்சம் ரூபாய் மதிப்பில் உள்ள பொருட்களை கோவை மாநகர மாவட்ட தமுமுக சார்பில் அனுப்பி வைக்கப்பட்டுள்ளது.