இதயத்திலும் புற்றுநோய் ஏற்படும்: அதிர்ச்சித் தகவல்

உடலிலுள்ள உறுப்புகள் பல லட்சக்கணக்கான திசுக்களால் உருவாக்கப்பட்டது. பல சிறிய செல்கள் அடங்கியது தான் திசு.

இந்த திசுக்கள் தான் உடல் உறுப்பாகின்றன. ஒவ்வொரு உறுப்பும், ஒவ்வொரு வகை செல்களை உதாரணமாக தோல் செல், சதை செல், இதய செல், நரம்பு செல் எனக் கொண்டுள்ளது.

இந்த செல்கள் இரண்டு செல்லாக உருவாகி தேய்மானமடைந்த செல்களை அப்புறப்படுத்தி அமர்கிறது. செல் பெருக்கம் நடப்பது இயற்கை.

செல் இரண்டாக பிரிந்து பின் அதுவே பன்மடங்காக பெருகி கட்டியாக வளர்கிறது. இதில் இரண்டு வகை. தொல்லை தராத கட்டியை “பினைன் கட்டி” என்கிறோம். இக்கட்டியால் எந்தப் பாதிப்பும் இருக்காது.

எனினும் அவ்வப்போது பார்த்துக் கொள்ள வேண்டும். மெலிக்னன்ட் கட்டி தான் ஆபத்தான கட்டி. பல மடங்கு செல்களாக குட்டி போட்டு கட்டுக்கு அடங்காத வளர்ச்சியை கொடுத்து எந்த உறுப்பிலிருந்து வளர்கிறதோ அந்த உறுப்பை சீரழித்து உயிரை அழித்து விடுகிறது. இக்கட்டியை ஆரம்பத்திலேயே கட்டுப்படுத்த வேண்டும்.

புற்றுநோய் வர காரணங்கள்: சாதாரண நிலையில் செல்கள் தாறுமாறாக வளர்ச்சி கண்டு டி.என்.ஏ.வில் மாற்றம் ஏற்பட்டு செல்லின் வளர்ச்சியை கட்டுப்படுத்த முடியாத நிலை ஏற்படும்.

1. புகைப்பிடிப்பதால், புகையிலையால் ஏற்படும் விளைவு, அளவுக்கு மீறிய மதுப்பழக்கம் மற்றும் ஜங்க்புட் போன்றவற்றால் ஏற்படுகிறது.

2. பாரம்பரியத் தன்மை, பென்சைன் போன்ற ரசாயனப் பொருட்கள்.

3. அதிக ரேடியோ கதிர்கள் படுதல், வைரஸ்.

இதரபுற்றுநோய்கள்: முதன்மையான புற்று நோய், இதய தசைகளிலிருந்து வருபவை. இவை பினைன் வகை.

இரண்டாம் நிலை மற்ற பகுதியில் வந்த புற்றுநோய், இதயத்திற்கு பரவுவதால் வருபவை.

மூன்றாவது வகை இதய வால்வுகளில் வரும் “பாப்பிலாரி பைப்ரோயலாஸ் டோமா” என்ற வகை. இதனால் திடீர் மரணம் ஏற்படும்.

இதய கட்டிகளில் “மிக்சோமா” என்ற இடது மேலறையில் வரும் கட்டி தான் பிரசித்தி பெற்றது. இதுதான் வழக்கமாக பெண்களுக்கு வரும். இதை எக்கோ பரிசோதனை மூலம் கண்டறியலாம். 75 சதவீதம் இடது மேலறையில் தான் இந்த கட்டி வரும். வலது மேலறையில் வருவது குறைவே.

மிக்சோமாவின் அறிகுறிகள்: இடது மேலறை மிக்சோமா “மைட்டிரல் ஸ்டெனோசிஸ்” என்ற ஈரிதழ் வால்வு சுருக்கம் போல இருக்கும். மல்லாந்து படுக்கும் போது மூச்சிரைப்பு, ஆழ்ந்த தூக்கத்திலிருக்கும் போது மூச்சிரைப்பு, மார்பு வலி அல்லது மார்பு அழுத்தம், தலைசுற்றல், மயக்கம், படபடப்பு, சிறிய வேலை செய்தாலும், மூச்சு வாங்குதல் என்பது பெண்களுக்கு சாதாரணமாக வருவதால் அவர்கள் மிகவும் கவனமுடன் இருக்க வேண்டும்.

பொதுவான அறிகுறிகள்: கை விரல்கள் நீல நிறமாக தோன்றுதல், இருமல், நகங்கள் மேலே தூக்கி இருத்தல், அசதி, தன்னையறியாத எடை குறைவு, முட்டிகளில் வலி, வீக்கம். இந்த அறிகுறிகள் இதய உட்சுவரான எண்டோ கார்டியத்தில் ஏற்படும் எண்டோ கார்டைட்டிஸ் என்ற நோய் போல இருக்கும்.

வலது மேலறை மிக்சோமா எந்தவித தொல்லை இல்லாமல் 15 செ.மீ(5 அங்குலம்) வரை வளர்ந்து விடும். எவ்வித பாதிப்பும் இல்லாமல் நோயாளி வலம் வருவார். இந்த கட்டியை அறுவை சிகிச்சை மூலம் வெட்டி எடுக்க வேண்டும். அப்படி சரிவர எடுக்காவிட்டால் திரும்பவும் வரும்.

முக்கிய பரிசோதனைகள்: எக்கோ கார்டியோ கிராம், இ.சி.ஜி, டாப்ளர் பரிசோதனை, எம்.ஆர்.ஐ இதய ஊடுறுவல் பரிசோதனைகள், ஆஞ்சியோகிராம்.

மிக்சோமாவின் விளைவுகள்: தக்க சிகிச்சை செய்யாவிட்டால் இந்த மிக்சோமாவிலிருந்து கட்டிகள் வெளியேறி மூளைக்கு செல்லும் ரத்த நாளத்தை அடைத்து பக்கவாதம் உண்டாகலாம்.

மேலும் கண், கால் ஆகிய இடங்களுக்கு சென்று அங்கு கட்டியாக வளரலாம். இதை உடனடியாக அறுவை சிகிச்சை செய்யாவிடில் மரணம் ஏற்படலாம்.

இதய துடிப்பு மாறுபாடு, நுரையீரலில் நீர் சேர்தல், பல பாகங்களில் ரத்த குழாய் அடைப்பு ஆகியவை, ஈரிதழ் வால்வை முழுவதுமாக அடைத்து மரணத்தை வரவழைக்கும். இந்த கட்டி இருந்தால் உடனடியாக பரிசோதனை செய்து தகுந்த சிகிச்சை மேற்கொள்ள வேண்டும்.

வியாபாரிகள் விதிமீற உடந்தையாக இருந்த 31 அதிகாரிகள் கைதாவார்களா?

சென்னை : விதிமீறி  கட்டிடங்கள் கட்ட வியாபாரிகளுக்கு உடந்தையாக இருந்த சி.எம்.டி.ஏ., அதிகாரிகள் 31 பேர் மீது  நடவடிக்கை எடுக்க சென்னை உயர் நீதிமன்றம் உத்தரவிட்டுள்ளது. விதிமீறி கட்டப்பட்ட கட்டிடங்கள் மீது நடவடிக்கை எடுக்க கோரி டிராபிக் ராமசாமி தொடர்ந்த வழக்கு  தலைமை நீதிபதி இக்பால் மற்றும் நீதிபதி சிவஞானம் முன்பு நேற்று  விசாரணைக்கு வந்தது. அப்போது நீதிமன்றத்தில் நடந்த வாதம் வருமாறு:

சிஎம்டிஏ சார்பில் அட்வகேட் ஜெனரல் நவநீதகிருஷ்ணன் : உயர்நீதிமன்ற உத்தரவின்படி அனைத்து நடவடிக்கைகளும் எடுக்கப்பட்டு விட்டது. தியாகராயர்நகரில் விதிமுறை மீறிய 39 கடைகளை மூடி  சி.எம்.டி.ஏ. சீல் வைத்துள்ளது. இதனால் பெசன்ட் நகர் போல தியாகராயர்நகர் அமைதியாக காட்சியளிக்கிறது. சில கட்டிடங்கள் சென்னை சிட்டி சிவில் நீதிமன்றத்தில் வழக்கு தாக்கல் செய்து சி.எம்.டி.ஏ. நடவடிக்கைக்கு தடை உத்தரவு பெற்றுள்ளன. 

வக்கீல் மோகன்: (பொதுநலன் மனு தாக்கல் செய்தவர்) : உயர்நீதிமன்றம் உத்தரவிட்ட பிறகு எப்படி சிவில் நீதிமன்றம் தடை உத்தரவு பிறப்பித்தது. இது தவறானது. இதை உடனே நீக்க வேண்டும். ஏற்கனவே விளம்பர பலகைகளை அகற்ற கோரிய வழக்குகளை சிவில் நீதிமன்றத்தில் இருந்து உயர்நீதிமன்றத்திற்கு மாற்றப்பட் டுள்ளது. அதுபோல சென்னை சிவில் நீதிமன்றத்தில் உள்ள வழக்குகளை உயர்நீதிமன்றத்திற்கு மாற்றி அந்த தடையை நீக்க வேண்டும். 

அட்வகேட் ஜெனரல் : சட்டப்படி சிவில் நீதிமன்றங்கள் இந்த விவகாரத்தில் எந்த தடையும் விதிக்க கூடாது. நீதிபதிகள்: உயர்நீதிமன்றத்தில் நிலுவையில் உள்ள வழக்கில் சிவில் நீதிமன்ற நீதிபதிகள் தடை விதித்தது தவறானது. இதற்கு அடிப்படை சட்ட அறிவே இல்லை என்று தெரிகிறது. இந்த தடை உத்தரவு தமிழ்நாடு நகர் மற்றும் ஊரக அமைப்பு சட்டத்தின் விதிகளுக்கு எதிரானது. இத்தகைய வழக்குகளை எந்த சிவில் நீதிமன்றமும் விசாரணைக்கே ஏற்க கூடாது. 

இந்த வழக்கில் கடந்த 2006ம் ஆண்டு உயர்நீதிமன்ற டிவிஷன் பெஞ்சு தீர்ப்பு கொடுத்திருக்கும் போது இந்த மாதிரி தடை உத்தரவுகளை சிவில் நீதிமன்றம் பிறப்பித்தது சட்டப்படி தவறானது.  எனவே இந்த தடையை நீக்க சி.எம்.டி.ஏ உரிய மனுவை சிவில் நீதிமன்றங்களில் தாக்கல் செய்ய வேண்டும். விதிமுறை மீறிய கட்டிடங்களுக்கு அனுமதி கொடுத்த சி.எம்.டி.ஏ. மற்றும் மாநகராட்சி அதிகாரிகளின் பட்டியலை உயர்நீதிமன்றத்தில் தாக்கல் செய்ய நாங்கள் கடந்த மாதம் உத்தரவிட்டோம். அந்த பட்டியல் எங்கே?
அட்வகேட் ஜெனரல் : விதிமுறை மீறிய கட்டிங்களுக்கு அனுமதி கொடுத்த அதிகாரிகள் 31 பெயர் அடங்கிய பட்டியலை தற்போது தாக்கல் செய்துள்ளோம். 

(அட்வகேட் ஜெனரல் ஒரு பட்டியலை தாக்கல் செய்தார்) தலைமை நீதிபதி: இந்த 31 அதிகாரிகளின் பெயர் இந்த வழக்கில் எதிர்மனுதாரராக சேர்க்க வேண்டும். அவர்கள் இந்த வழக்கில் அடுத்த விசாரணையின் போது பதில் மனு தாக்கல் செய்ய வேண்டும். அவர்களுக்கு சி.எம். டி.ஏ. நோட்டீஸ் கொடுக்க வேண்டும்.  துறை நடவடிக்கை ஏன் எடுக்க கூடாது என்று நாங்கள் ஏன் பரிந்துரை செய்யக்கூடாது என்பதற்கு  அந்த அதிகாரிகள் இந்த வழக்கில்  பதில் அளிக்க வேண்டும்.

இவ்வாறு நீதிபதிகள் கூறினர். அதிகாரிகள் மீது துறை ரீதியாக நடவடிக்கை எடுக்கப்பட்ட மனுவை சிஎம்டிஏ தரப்பில்  கோர்ட்டில் தாக்கல் செய்யப்படும் என்று தெரிகிறது. அதன் பின்னர் தான்  அவர்கள் மீது கைது நடவடிக்கை எடுக்கப்படுமா என்பது தெரியவரும். இதனிடையே விதிமீறி கட்டப்பட்டதாக மேலும் 5 ஆயிரம் கடைகளுக்கு நோட்டீஸ் அனுப்பப் பட்டுள்ளது.

 மாநகராட்சி நடவடிக்கை

மாநகராட்சி சார்பாக வக்கீல் பாரதிதாசன் ஆஜராகி, கடந்த 3 ஆண்டுகளில் 1732 கட்டிடங்களுக்கு நோட்டீசு கொடுக்கப்பட்டுள்ளது. 132 கட்டிங்களை ஏன் இடிக்க கூடாது என்று விளக்கம் கேட்டு நோட்டீசு அனுப்பப்பட்டுள்ளது. 57 கட்டிடங்களை இடிக்க நோட்டீசு கொடுக்கப்பட்டுள்ளது. 18 கட்டிங்களுக்கு சீல் வைக்கப்பட்டுள்ளது. இதில் 3 அதிகாரிகள் தவறு செய்ததாக கண்டுபிடிக்கப்பட்டுள்ளது. அதில் ஒரு அதிகாரியை   சஸ்பெண்ட் செய்துள்ளோம் என்றார். இதை நீதிபதிகள் ஏற்றுக்கொண்டு அடுத்த கட்ட நடவடிக்கையை வரும் 30ம் தேதி மாநகராட்சி நீதிமன்றத்தில் தாக்கல் செய்ய வேண்டும் என்று உத்தரவிட்டனர்.

பட்டியலில் யார் யார்? கோர்ட்டில் தாக்கல் செய்யப்பட்ட பட்டியலில் உள்ள சிஎம்டிஏ அதிகாரிகள் பெயர்கள்: 

உறுப்பினர் செயலாளர்கள்
1.  நசீமுதீன் ஐ.ஏ.எஸ் 
2.  மோகன் ஐ.ஏ.எஸ்.
3.  விக்ரம் கபூர் ஐ.ஏ.எஸ்
4.  கட்டாரியா ஐ.ஏ.எஸ்
தலைமை பிளானர்கள்
5.  சுபாஷ் சந்திரா
6.  சிவசுப்பிரமணியம்
7.  குருசாமி
மூத்த பிளானர்கள்
8. ரவீந்திரன்
9.  ராஜசேகரபாண்டியன்
துணை பிளானர்கள்
10.  தங்கபிரகாசன்
11.  செல்வகுமார்
12.  பெரியசாமி
13.  நாகலிங்கம்
14.  ராஜேந்திரன்
15.  ஜெயசந்திரன்
16.  கிருஷ்ணகுமார்
17.  ருத்திரமூர்த்தி
18.  துளசிராம்
உதவி பிளானர்கள்
19.   சபாபதி
20.  நாகசுந்தரம்
21. மாணிக்கவாசகம்
22.  நாகராஜன்
23. ராஜேந்திரன்
24. பன்னீர்செல்வம்
25.  முனுசாமி
26. ரவிபிரசாத்
27. மூர்த்தி
28.  கிருஷ்ணகுமார்
29. ராஜாராமன் 
30. பிரேம் ஆனந்த் 
சுரேந்திரன்
31.  பாலசுப்பிரமணியம். 

இந்த பட்டியலை பார்த்த தலைமை நீதிபதி இக்பால், நீதிபதி சிவஞானம் ஆகியோர்  இந்த 31 பேரையும் வழக்கில் எதிர்மனுதாரராக சேர்க்க வேண்டும் என்றனர். 

இந்திய யூனியன் முஸ்லிம் லீக் தேசிய பொருளாளருக்கு அமீர காயிதெமில்லத் பேரவை சார்பில் வரவேற்பு நிகழ்ச்சி!

இந்திய யூனியன் முஸ்லிம் லீக் தேசிய பொருளாளர் தஸ்தகீர் இப்ராஹிம் ஆகா,புருணை காயிதெமில்லத் பேரவை தலைவர் ஜபருல்லாஹ்,சென்னை தானிஷ் அஹமது பொறொயியல் கல்லூரியின் தாளாலர் காதர் ஷா ஆகியோருக்கு வரவேற்பு நிகழ்ச்சி துபை கராச்சி தர்பார் அரங்கில் நடைபெற்றது.

/

நிகழ்ச்சிக்கு அமீரக காயிதெமில்லத் பேரவைத் தலைவரும்,ஈமான் அமைப்பின் பொதுச் செயலாளருமான குத்தாலம் ஏ.லியாகத் அலி தலைமை வகித்தார்.

விழாக்குழு செயளாலர் காயல் எஹ்யா முஹையத்தீன் இறை வசனங்கள் ஓதினார்.அமீரக காயிதெமில்லத் பேரவை பொதுச்செயளாலர் முஹம்மது தாஹா வரவேற்றுப் பேசினார்.

/

அபுதாபி அய்மான் சங்கத் தலைவர் அதிரை ஏ.ஷாஹுல் ஹமீத் துவக்கவுரையாற்றினார்,அமீரக பொருளாளர் எஸ்.கே.எஸ்.ஹமீதுர் ரஹ்மான்,அபுதாபி மண்டலச் செயளாலர் ஏ.எஸ்.அப்துல் ரஹ்மான்,கடையநல்லூர் ஹபீபுல்லாஹ்,ஆடிட்டர் ஜமால் ஆகியோர் இந்திய யூனியன் முஸ்லிம் லீகின் வளர்ச்சிபணிகள் குறித்து கருத்துரையாற்றினர்.

தானிஷ் அஹமது பொறியியல் கல்லூரியின் தாளாளர் காதர் ஷா தனது ஏற்புரையில் இந்திய யூனியன் முஸ்லிம் லீக் தலைவர்களின் எளிய அணுகுமுறைகள் குறித்து வியந்து பாராட்டினார். நாடாளுமன்ற உறுப்பினர் அப்துல் ரஹ்மான் நடந்து கொள்ளும் விதம் ஒரு நாடாளுமன்ற உறுப்பினர் எப்படி இருக்க வேண்டும் என்பதற்கு எடுத்துக்காட்டாக இருப்பதாகவும் தெரிவித்தார்.

/

தேசிய பொருளாளர் தஸ்தகீர் இப்ராஹிம் ஆகா தனது ஏற்புரையில்: பொருளீட்ட வந்த இடத்தில் சமுதாய உணர்வோடு அனைவரும் ஒன்றிணைந்து செயலாற்றுவதை நெகிழ்ச்சியுடன் பாராட்டினார்.இந்திய யூனியன் முஸ்லிம் லீக் தான் சமுதாயத்தில் அங்கீகாரம் பெற்ற அமைப்பாக இந்தியா முழுவதற்கும் விளங்குவதாக குறிப்பிட்ட அவர் விரைவில் கர்நாடக முஸ்லிம் லீக் நண்பர்களின் அமீரக கிளையை துவக்க இருக்கும் செய்தியை குறிப்பிட்டு அதற்குரிய அனைத்து ஆலோசனைகளையும்,வழிகாட்டுதலையும் இங்கு சிறப்பாக செயலாற்றி வரக்கூடிய அமீரக காயிதெமில்லத் பேரவை வழங்க வேண்டும் என கேட்டுக் கொண்டார்.

முடிவில் ,ஊடகத்துறை செயளாலர் முதுவை ஹிதாயத் நன்றி கூறினார்.

நிகழ்ச்சியில் அமீரக காயிதெமில்லத் பேரவை துணைப்பொருளாளர் இக்பால்,செயளாலர்கள் கீழக்கரை ஹமீது யாசின்,தஞ்சை பாட்சா கனி,மற்றும் அய்யம்பேட்டை ராஜாஜி காசிம்,சோனாப்பூர் கிளை செயளாலர் முஹம்மது ரஃபி,முத்துப்பேட்டை நைனார் முகம்மது,பொதக்குடி அப்துல் காதர் உள்ளிட்ட பலரும் கலந்து கொண்டனர்.

/

சவூதி அரசின் அழைப்பின் பேரில் இந்திய நல்லெண்ணக்குழுவிற்கு தலைமையேற்று சென்றிருக்கும் இந்திய யூனியன் முஸ்லிம் லீக் தேசிய பொதுச் செயளாலரும்,தமிழக தலைவருமான முனீருல்மில்லத் பேராசிரியர் கே.எம்.காதர் மொய்தீன் புனித மக்காவிலிருந்து தொலைபேசியில் தொடர்பு கொண்டு நிகழ்ச்சியில் கலந்து கொண்டுள்ள அனவருக்கும் வாழ்த்தையும் ஸ்லாத்தையும் தெரிவித்துக் கொண்டார்.

இன்ஷா அல்லாஹ் விரைவில் அமீரக காயிதெமில்லத் பேரவையின் பொதுக்குழுக் கூட்டம் அபுதாபியில் நடை பெற உள்ளதாகவும்,கூட்டம் நடைபெறும் தேதியை ஹஜ்ஜுப் பெருநாள் முடிந்ததும் வெளியிடப்படும் என்றும் பேரவைத் தலைவர் லியாகத் அலி அறிவித்தார்.

இறுதியாக துணைத் தலைவர் காயல் நூஹு சாஹிம் துஆவுடன் நிகழ்ச்சி முடிவடைந்தது.     நன்றி,   lalpet.net

வெளிநாட்டிற்கான PCC-Police Clearance Certificate பெறுவது எப்படி!

PCC (Police Clearance Certificate) ஏற்கெனவே பாஸ்போர்ட் வைத்திருப்பவர்களுக்கு வழங்கப்படுவது.
குறிப்பாக ஒரு நாட்டில் இருந்து திரும்பியவர் வேறு ஒரு நாட்டிற்கு செல்ல விரும்புகையில் PCC ன் அவசியம் ஏற்படுகிறது.
புதிய பாஸ்போர்ட்டிற்கு விண்ணப்பிப்பவர்கள் PCC எடுக்க வேண்டிய தேவையில்லை.

முன்னூறு ரூபாய் மட்டுமே செலுத்தி ஒருவர் பெறக்கூடிய பாஸ்போட்டிற்கான PCC-Police Clearance Certificate ஐ பலர் ஆயிரத்திற்கும் அதிகம் செலுத்தி தரகர்கள் மூலம் பெறுவதும் சில நேரம் (குறிப்பாக சரியான தகவல் அறியாதவர்கள்) ஏமாந்து போவதும் வாடிக்கையாகி வருகிறது.

Police Clearance Certificate க்குரிய படிவத்தை(form) ஐ பின்வரும் சுட்டியில் இருந்து தரவிறக்கம் செய்துகொள்ளலாம். http://passport.gov.in/cpv/miscell.pdf

3.5 x 3.5 செ.மீ அளவு புகைப்படம் ஒட்டி, நிரப்பப்பட்ட அந்த படிவத்துடன் அசல் பாஸ்போர்ட்டும் அதன் நகலும், இருப்பிட சான்றும்,(உதாரணத்திற்கு Ration Card நகல்), சமர்ப்பிக்க வேண்டும்.

காவல் நிலையங்களிலிருந்து எந்த விதமான சான்றிதழ்களும் வாங்கத் தேவையில்லை(உங்களுக்கு எதிராக எந்த வழக்கும் இல்லையென்றால் மட்டும்)
விண்ணப்பிக்கும் நபர் கடந்த ஒரு வருடமாக தற்போது இருக்கும் முகவரியில் இல்லையெனில் அதற்கு என்று தனியாக படிவம் ஒன்று சமர்ப்பிக்க வேண்டும். அந்த படிவத்தை பின்வரும் சுட்டியில் இருந்து தரவிறக்கம் செய்து கொள்ளலாம்.
http://passport.gov.in/pms/PPForm.pdf

காலை 9.30 முதல் 12 மணி வரை மட்டுமே விண்ணப்பங்கள் ஏற்றுக்கொள்ளப்படும். காலை 8.45 க்கு எல்லாம் பாஸ்போர்ட் அலுவலகத்தில் இருக்குமாறு சென்றால் எளிமையாக இருக்கும்.

கட்டணமாக 300 ரூபாய் மட்டும் பாஸ்போர்ட் அலுவலகத்தில் கட்டினால் போதும். கட்டண விவரம் கீழே உள்ள சுட்டியில் இருக்கிறது.
http://passport.gov.in/cpv/FeeStructure.htm

காலையில் விண்ணப்பித்தால் மாலை 5 மணிக்கு எல்லாம் PCC கிடைத்து விடும்.
PCC குறித்த முழு விவரங்கள் கீழே இணைக்கப்பட்டுள்ள இணையதளத்தில் உள்ளது https://passport.gov.in/pms/PoliceClearanceCertificate.htm

விண்ணப்பிப்பதற்கு விண்ணப்பதாரர் தான் நேரில் செல்ல வேண்டுமென்பதுமில்லை,விண்ணப்பிப்பவர் பாஸ்போர்ட் அலுவலகத்திற்கு வர இயலாத காரணத்தை குறிப்பிட்டு அவர் கையெழுத்துடன் கூடிய ஒரு கடிதத்தை யாரேனும் கொண்டுசென்றாலும் போதுமானது.

மதுரை பாஸ்போர்ட் அலுவலக முகவரி.
Passport Office, Bharathi Ula Veethi, Race Course Road, Madurai-625 002.
website: http://passport.gov.in/madurai.html
மதுரை, தேனி, சிவகங்கை, விருதுநகர், ராமநாதபுரம், தூத்துக்குடி, திருநெல்வேலி, கன்னியாகுமரி மற்றும் திண்டுக்கல் மாவட்டங்களைச் சேர்ந்தவர்கள் மதுரை பாஸ்போர்ட் அலுவலகத்தில் விண்ணப்பிக்க முடியும்.
திருச்சி பாஸ்போர்ட் அலுவலக முகவரி

Passport Office, Water Tank Building, W.B. Road , Tiruchirappalli. Pin Code 620 008, Fax: 0431-2707515 E-mail: rpo.trichy@mea.gov.in. Website:http://passport.gov.in/trichy.html
திருச்சி, கரூர், நாகப்பட்டினம், பெரம்பலூர், புதுக்கோட்டை, தஞ்சாவூர், அரியலூர் மற்றும் திருவாரூர் மாவட்டங்களைச் சேர்ந்தவர்கள் திருச்சி பாஸ்போர்ட் அலுவலகத்தில் விண்ணப்பிக்கலாம்.

கோயம்புத்தூர் பாஸ்போர்ட் அலுவலக முகவரி
Passport Office, First Floor, Corporation Commercial Complex, Opp. Thandumariamman Koil, Avinashi Road, Coimbatore – 641018

Phone: 0422-2304888,2309009, Fax: 0422-2306660, E-mail: rpo.cbe@mea.gov.in, Tele-enquiry: 0422-2309009, 2304888, Web-site:http://passport.gov.in/coimbatore.html
கோயம்புத்தூர், ஈரோடு, நாமக்கல், சேலம், திருப்பூர், நீலகிரி மாவட்டங்களைச் சேர்ந்தவர்கள் கோயம்புத்தூர் பாஸ்போர்ட் அலுவலகத்தில் விண்ணப்பிக்கலாம்.
சென்னை பாஸ்போர்ட் அலுவலக முகவரி

Regional Passport Office,IInd Floor, Shastri Bhavan, 26, Haddows Road, Chennai – 600 006
Phones : 91-44-28203591, 28203593, 28203594, 28240696
Fax : 91-44-28252767

E-mail : rpo.chennai@mea.gov.in Website: http://passport.tn.nic.in/about_us.htm
சென்னை, கடலூர், தர்மபுரி, காஞ்சிபுரம், காரைக்கால், கிருஷ்ணகிரி, பாண்டிச்சேரி, திருவள்ளூர், திருவண்ணாமலை, விழுப்புரம் மற்றும் வேலுர் மாவட்டங்களைச் சேர்ந்தவர்கள் சென்னை பாஸ்போர்ட் அலுவலகத்தில் விண்ணப்பிக்கலாம்.

உலகில் வேலையில்லாதவர்களின் எண்ணிக்கை 20 கோடியை தாண்டியது

ஜெனீவா:உலகில் வேலையில்லாதவர்களின் எண்ணிக்கை அதிகாரப்பூர்வ புள்ளிவிபரங்களின்படி 20 கோடியை தாண்டிவிட்டதாக ஐ.நாவின் சர்வதேச தொழிலாளர் அமைப்பான ஐ.என்.ஒ அறிக்கை வெளியிட்டுள்ளது.

பொருளாதார நெருக்கடியை குறித்து விவாதிக்க பிரான்சு நாட்டின் கானில் இம்மாதம் மூன்றாம் தேதி ஜி-20 நாடுகளின் உச்சிமாநாடு நடைபெறுவதற்கு முன்னோடியாக ஐ.என்.ஒ அறிக்கை வெளியிடப்பட்டுள்ளது.

தற்போதைய பொருளாதார நெருக்கடிதான் வேலையில்லாத்திண்டாட்டத்திற்கு முக்கிய காரணம் எனவும், பல்வேறு நாடுகளில் நிலவும் சமூகப்பிரச்சனைகளுக்கு வேலையின்மை அச்சுறுத்தலாக அமையும் எனவும் ஐ.என்.ஒ அறிக்கை எச்சரிக்கை விடுக்கிறது. பொருளாதார நெருக்கடிக்கு முந்தைய நிலைமையை எட்டவேண்டுமானால் அடுத்த இரண்டு ஆண்டுகளில்  எட்டுகோடி வேலை வாய்ப்புகள் உருவாக்கப்படவேண்டும்.

வளர்ச்சியடைந்த நாடுகளில் தற்போதைய சூழலில் இதனை அடைய ஏறத்தாழ ஐந்து வருடங்களாவது தேவைப்படும் என அறிக்கை கூறுகிறது.பொருளாதார நெருக்கடியின் காரணமாக உலகில் தேவையான வேலைகளின் பகுதி எண்ணிக்கைதான் புதியதாக உருவாகியுள்ளது என அவ்வறிக்கை கூறுகிறது.

நொய்டா : பார்முலா வன் போட்டி : எதிர்பார்த்தது போன்றே வெட்டெல் வெற்றி

இந்தியாவின் முதன்முறையாக நடைபெற்ற பார்முலா வன் கார் பந்தய போட்டியில் ஜேர்மனியின் செபாஸ்டியன் வெட்டல் எதிர்பார்த்தது போன்றே வெற்றி பெற்று கோப்பையை தனதாக்கினார்.

தலைநகர் டெல்லியின் கிரேட்டர் நொய்டாவில், புத்தா சர்வதேச கார் பந்தய களத்தில், இவ்வருடத்திற்கான பார்முலா 1 கார் பந்தாத்தின் 17 வது சுற்று நடைபெற ஏற்பாடாகியது. நேற்று முன் தினம் இடம்பெற்ற தகுதி சுற்று போட்டிகளில் ஏற்கனவே வென்றிருந்த வெட்டெல், நேற்றைய 17 வது சுற்று போட்டியிலும் நிச்சயம் வெல்வார் என எதிர்பார்க்கப்பட்டது.

ஏனெனில் இவ்வருடத்திற்கான பார்முலா 1 போட்டிகளுக்காக ஏற்கனவே முடிந்து விட்ட 16 சுற்றுக்களில், ரெட்புல் அணி சார்பில் களமிறங்கிய செபஸ்டியன் வெட்டல், மொத்தம் 349 புள்ளிகள் குவித்து முதலிடம் வகித்து வருகிறர். மேலும் அவரே இந்த ஆண்டுக்கான பார்முலா 1 உலக சாம்பியன் பட்டத்தையும் தக்க வைத்துள்ளார்.

ராமர் பிறந்த இடம்:சங்க்பரிவாரத்தின் வாதத்தை கேள்வி எழுப்பும் மராட்டிய பிராமணர் எழுதிய நூல்

புதுடெல்லி:ராமனின் பிறந்த இடம் பாப்ரி மஸ்ஜித் நிலைப்பெற்றிருந்த இடம் என சங்க்பரிவார அமைப்புகளின் கூற்றை குறித்து கேள்வி எழுப்பும் வகையில் மராட்டிய சித்பவன பிராமணன் எழுதிய 100 வருடங்கள் பழமையான புத்தகம் அமைந்துள்ளது. 100 வருடங்களுக்கு முன்பு மராட்டிய மொழியில் எழுதப்பட்ட இந்த புத்தகம் அண்மையில் ஆங்கிலத்தில் மொழிப்பெயர்க்கப்பட்டது.

விஷ்ணு பட் கோட்ஸே வீர்ஸெய்கார் எழுதிய ’1857 த ரியல் ஸ்டோரி ஆஃப் க்ரேட் அப்ரைஸிங்’ என்ற பயணக்குறிப்புகள் அடங்கிய புத்தகம்தான் ஹிந்துத்துவா அமைப்புகள் எழுப்பும் வாதங்களையும், பாப்ரி மஸ்ஜிதின் மையப்பகுதி அமைந்திருந்த இடத்துக்கு கீழே உள்ள பகுதி ராமர் பிறந்த இடம் என்ற அலகபாத் உயர்நீதிமன்ற தீர்ப்பையும் இந்த புத்தகம் மறுக்கும் விதத்தில் அமைந்துள்ளது.

இந்த புத்தகம் ஒரு காலத்தில் மராட்டிய மொழியில் வெளிவந்த பிறகு இதன் உள்ளடக்கம் குறித்து விவாதிக்கப்படவில்லை. 1859 ஆம் ஆண்டு ஒரு ராம நவமி தினத்தில் இந்த புத்தகத்தின் ஆசிரியரான விஷ்ணு பட் அயோத்தியை வந்தடைகிறார். தொடர்ந்து ராம ஜென்ம பூமியில் பூஜை நடத்துவது குறித்த விபரங்கள் புத்தகத்தில் அடங்கியுள்ளன. ஸரயூ நதியில் குளித்த பிறகு துளசி இலைகளுடன் ராமர் கோயிலுக்கு பக்தர்கள் புறப்பட்டனர் என புத்தகத்தில் இடம்பெற்றுள்ள குறிப்பு கூறுகிறது.

பாக்கும், நாணயங்களும் காணிக்கையாக வைக்க அவர்களிடம் இருந்தன.இங்கே துளசி இலையை வைத்து நடத்தும் பூஜை பலனளிக்கும் என (அவர்கள்) கருதுகின்றனர். அவர்களுடன் நானும் காணிக்கையுடன் ராமன் பிறந்த இடத்திற்கு சென்றேன். ஐதீக ஸ்தலம் திறந்த வெளியில் இடுப்பு வரை உயரத்தில் ஒரு நடைபாதையாக இருந்தது(platform) சுண்ணாம்புக்கற்களால் அவை நிர்மாணிக்கப்பட்டிருந்தன.

மூன்று அல்லது நான்கு அடி உயரத்தில் அதற்கு சுற்றுமதில் கட்டப்பட்டிருந்தது. புற்களும், காட்டுச்செடிகளும் அதனை சுற்றிலும் படர்ந்திருந்தன. தொலைவிலிருந்து பார்த்தால் சுற்றுச்சுவர் கோட்டையின் சிதிலமடைந்த பகுதியாக தோன்றும்.ராமனின் தாயார் கவுசல்யாவின் நிலம் ஒரு சமதளமான இடமாக இருந்தது-இவ்வாறு விஷ்ணு பட் எழுதுகிறார்.

1527-ஆம் ஆண்டு கட்டப்பட்ட பாப்ரி மஸ்ஜிதை குறித்த விமர்சனங்கள் விஷ்ணுபட்டின் பயணக்குறிப்புகள் அடங்கிய புத்தகத்தில் எங்கேயும் காணமுடியவில்லை. ராம ஜென்மபூமியின் சுற்றுவட்டாரத்தில் பாப்ரி மஸ்ஜித் இருந்தது என்ற தகவல் கூட அக்குறிப்புகளில் இல்லை. பாப்ரி மஸ்ஜித் நிலைப்பெற்றிருந்த இடம் ராமர் ஜென்ம பூமியாக வழிபட்டிருந்த இடம் இல்லை என்பது இதிலிருந்து நிரூபணமாகிறது.

1857-ஆம் ஆண்டு ’சியா பந்தாசி ஹகீகத்(cya bandaci hakikat) என்ற பெயரில் எழுதிய புத்தகம் விஷ்ணு பட்டின் மரணத்திற்கு பிறகு 1907-ஆம் ஆண்டு முதன் முதலாக வெளியிடப்பட்டது. இதன் பல பாகங்களிலும் பிரிட்டீஷாருக்கு எதிரான விமர்சனங்கள் இடம்பெற்றிருந்ததால் அவர்களுக்கு அஞ்சி எழுத்தாளர் உயிருடன் இருக்கும் வேளையில் இந்நூல் வெளியிடப்படவில்லை என கருதப்படுகிறது. பின்னர் இந்நூல் ஹிந்தி மொழியில் இரண்டு தடவை மொழிப்பெயர்க்கப்பட்டது.மிருணாளினி பாண்டே என்பவர்தாம் இந்நூலை ஆங்கிலத்தில் மொழிப்பெயர்த்துள்ளார்.

மூட்டு வலிக்கு தீர்வு என்ன?

முதிய வயதில் ஒருவருக்கு ஏற்படும் பெரும் பிரச்சினை மூட்டுவலி. கீல்வாதம் அல்லது மூட்டு அலற்சி என்றும் இது அழைக்கப்படுகிறது.

முதுமை காரணமாக ஏற்படும் எலும்பு தேய்மானம், அதிகப்படியான உடல் எடை போன்ற காரணங்களால் ஏற்படும் மூட்டுவலியை முழுமையாக குணப்படுத்த முடியாது.

தொடர் சிகிச்சையின் மூலம் அதை ஒரு கட்டுப்பாட்டிற்குள் வைத்திருக்கலாம். ஓய்வெடுத்தல், எடை குறைத்தல், உடற்பயிற்சி மற்றும் வலி நிவாரணி சிகிச்சைகள்தான் இதற்கான சிகிச்சை முறைகள்.

ஒருவருக்கு மூட்டு வலி எப்படி ஏற்படுகிறது?

உடலில் உள்ள எலும்புகள் இணைகின்ற இடங்களை மூட்டு என்று அழைக்கிறோம். ஒவ்வொரு மூட்டின் இணைப்புகளையும் மூடி இருக்கும் ரப்பர் போன்ற அமைப்பு குருத்தெலும்பு எனப்படும். இது குஷன் ஆகவும், அதிர்ச்சியைத் தாங்கும் அமைப்பாகவும் செயல்படுகிறது. அதனால் எலும்புகள் ஒன்றுடன் ஒன்று உரசி தேயாமலும், சேதமடையாமலும் பாதுகாக்கின்றது.

இந்த குருத்தெலும்பு ஸினோவியல் என்னும் பசை போன்ற திரவத்தால் மசகுத் தன்மை அடைகிறது. இந்த திரவம் மூட்டுக்கள் இதமாக இயங்க உதவுகிறது.

மூட்டுவலியின் போது மூட்டுகளில் உள்ள குருத்தெலும்பில் தேய்வு ஏற்படுகிறது. அப்போது குருத்தெலும்பில் உலர்ந்த நிலை ஏற்படுவதால், அதன் காரணமாக எலும்பு மூட்டுகளில் வலியும், வீக்கமும் உண்டாகிறது.

எலும்பு மூட்டு இணைப்பு திசுக்களில் ஏற்படும் கோளாறுகள், கால்முட்டி அடிக்கடி அழுத்தத்திற்கு உட்படுவதால் முட்டியை சுற்றியுள்ள கப் வடிவிலான சவ்வு காயமடைவது, தசைநார் பாதித்தல், கால்முட்டியின் பின்புறத்தில் நீர்நிறைந்த பை போன்று வீக்கம் காணப்படுதல், கார்டிலேஜ் என்னும் எலும்பில் உள்ள திசுக்கள் கிழிவது அல்லது உடைவது, எலும்புகளை ஒன்றோடு ஒன்றாக இணைக்கும் தசை நார் கிழிதல், சுளுக்கு, மூட்டுகளை முறுக்குவதால் எலும்புகளை இணைக்கும் தசைநார்களில் ஏற்படும் சிறுசிறு காயங்கள், மூட்டுகளில் நோய் தொற்றுவது, மூட்டுகளில் ஏற்படும் காயங்களால் முட்டியினுள் ரத்த கசிவு ஏற்படுவது, இடுப்பில் ஏற்படும் குறைபாடுகள் அல்லது கோளாறுகள் இதுபோன்ற காரணங்களால் ஒருவருக்கு மூட்டுவலி ஏற்படும்.

வலியை அதிகப்படுத்தும் செயல்களை தவிர்த்து ஓய்வெடுத்து வந்தால் அதிகப்படியான மூட்டுவலியை குறைக்கலாம். மூட்டுவலியை கட்டுப்படுத்த மேலும் சில வழிமுறைகளும் உள்ளன. அவை

1. வலி ஏற்படும் இடத்தில் ஐஸ் கட்டிகளை வைக்கலாம். முதல் நாளில் ஒவ்வொரு மணி நேரத்திற்கும் 15 நிமிடங்கள் வரை ஐஸ் கட்டிகளை வைக்கலாம். முதல் நாளுக்குப் பின் குறைந்தது ஒரு நாளில் நான்கு முறையாவது இப்படி செய்ய வேண்டும்.

2. கால் முட்டியினை முடிந்தவரை உயரமாக தூக்குவதனால் வீக்கங்களை குறைக்கலாம்.

3. ஏஸ் பாண்டேஜ் அல்லது எலாஸ்டிக் பாண்டேஜ் அணிந்து முட்டியின் மீது மிதமான அழுத்தத்தை செலுத்தலாம். இப்படி செய்வது வீக்கத்தை குறைக்க உதவியாக இருக்கும். இந்த வகை பாண்டேஜ்களை மருந்துக் கடைகளில் இருந்து வாங்கிக் கொள்ளலாம்.

4. மூட்டுகளின் கீழ் அல்லது இடையில் தலையணைகளை வைத்து தூங்கலாம். மூட்டுவலியை கட்டுப்படுத்த உடற்பயிற்சி மற்றும் ஓய்வு இரண்டும் முக்கிய அம்சங்கள். சரியான முறையில் இந்த இரண்டையும் செயல்படுத்தினால் மூட்டுகளுக்கு நல்ல பாதுகாப்பு கிடைக்கும்.

5. மருத்துவர் அல்லது உடற்பயிற்சி நிபுணர் ஆலோசனை மற்றும் கண்காணிப்பின் கீழ் உடற்பயிற்சியை செய்து வரவேண்டும். தொடர்ந்து உடற்பயிற்சி செய்வது போலவே தொடர்ந்து நன்கு ஓய்வு எடுப்பதும் அவசியம். இது உங்கள் தசைகளுக்கும் ஓய்வு தருகிறது.

6. உணவு முறையிலும் தனிக்கவனம் செலுத்த வேண்டும். சர்க்கரை, உப்பு, கொழுப்பு சத்து மற்றும் அசைவ உணவுகள், பதப்படுத்தப்பட்ட மற்றும் டப்பாக்களில் அடைக்கப்பட்ட உணவு வகைகளை முடிந்தவரை தவிர்த்துவிட வேண்டும்.

இல்லையென்றால் இவற்றை மிக குறைவாக உணவில் சேர்த்துக் கொள்ளலாம். முக்கியமாக உங்கள் உணவில் தானியங்கள், பருப்பு வகைகள், புத்தம்புது பழங்கள் மற்றும் காய்கறிகள் இடம்பெறட்டும்.